𑁧𑁦. 𑀧𑀼𑀩𑁆𑀩𑀗𑁆𑀕𑀫𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁪𑁩. ‘‘𑀘𑀼𑀮𑁆𑀮𑀸𑀲𑀻𑀢𑀺𑀲𑀳𑀲𑁆𑀲𑀸𑀦𑀺, 𑀧𑀩𑁆𑀩𑀚𑀺𑀫𑁆𑀳 𑀅𑀓𑀺𑀜𑁆𑀘𑀦𑀸;

𑀢𑁂𑀲𑀁 𑀧𑀼𑀩𑁆𑀩𑀗𑁆𑀕𑀫𑁄 𑀆𑀲𑀺𑀁, 𑀉𑀢𑁆𑀢𑀫𑀢𑁆𑀣𑀲𑁆𑀲 𑀧𑀢𑁆𑀢𑀺𑀬𑀸.

𑁪𑁪. ‘‘𑀲𑀭𑀸𑀕𑀸 𑀲𑀪𑀯𑀸 [𑀲𑀫𑁄𑀳𑀸 (𑀲𑁆𑀬𑀸.)] 𑀘𑁂𑀢𑁂, 𑀯𑀺𑀧𑁆𑀧𑀲𑀦𑁆𑀦𑀫𑀦𑀸𑀯𑀺𑀮𑀸;

𑀉𑀧𑀝𑁆𑀞𑀳𑀺𑀁𑀲𑀼 𑀲𑀓𑁆𑀓𑀘𑁆𑀘𑀁, 𑀧𑀲𑀦𑁆𑀦𑀸 𑀲𑁂𑀳𑀺 𑀧𑀸𑀡𑀺𑀪𑀺.

𑁪𑁫. ‘‘𑀔𑀻𑀡𑀸𑀲𑀯𑀸 𑀯𑀦𑁆𑀢𑀤𑁄𑀲𑀸, 𑀓𑀢𑀓𑀺𑀘𑁆𑀘𑀸 𑀅𑀦𑀸𑀲𑀯𑀸;

𑀨𑀭𑀺𑀁𑀲𑀼 𑀫𑁂𑀢𑁆𑀢𑀘𑀺𑀢𑁆𑀢𑁂𑀦, 𑀲𑀬𑀫𑁆𑀪𑀽 𑀅𑀧𑀭𑀸𑀚𑀺𑀢𑀸.

𑁪𑁬. ‘‘𑀢𑁂𑀲𑀁 𑀉𑀧𑀝𑁆𑀞𑀳𑀺𑀢𑁆𑀯𑀸𑀦, 𑀲𑀫𑁆𑀩𑀼𑀤𑁆𑀥𑀸𑀦𑀁 𑀧𑀢𑀺𑀲𑁆𑀲𑀢𑁄;

𑀫𑀭𑀡𑀜𑁆𑀘 𑀅𑀦𑀼𑀧𑁆𑀧𑀢𑁆𑀢𑁄, 𑀤𑁂𑀯𑀢𑁆𑀢𑀜𑁆𑀘 𑀅𑀕𑀫𑁆𑀳𑀲𑁂.

𑁪𑁭. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀲𑀻𑀮𑀫𑀦𑀼𑀧𑀸𑀮𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀲𑀜𑁆𑀜𑀫𑀲𑁆𑀲 𑀇𑀤𑀁 𑀨𑀮𑀁.

𑁪𑁮. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀧𑀼𑀩𑁆𑀩𑀗𑁆𑀕𑀫𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀧𑀼𑀩𑁆𑀩𑀗𑁆𑀕𑀫𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀤𑀲𑀫𑀁.

𑀧𑀡𑁆𑀡𑀤𑀸𑀬𑀓𑀯𑀕𑁆𑀕𑁄 𑀏𑀓𑀽𑀦𑀢𑀺𑀁𑀲𑀢𑀺𑀫𑁄.