𑁨. 𑀫𑀺𑀦𑁂𑀮𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁫. ‘‘𑀲𑀼𑀯𑀡𑁆𑀡𑀯𑀡𑁆𑀡𑁄 𑀪𑀕𑀯𑀸, 𑀲𑀢𑀭𑀁𑀲𑀻 𑀧𑀢𑀸𑀧𑀯𑀸;

𑀘𑀗𑁆𑀓𑀫𑀦𑀁 𑀲𑀫𑀸𑀭𑀽𑀴𑁆𑀳𑁄, 𑀫𑁂𑀢𑁆𑀢𑀘𑀺𑀢𑁆𑀢𑁄 𑀲𑀺𑀔𑀻𑀲𑀪𑁄.

𑁬. ‘‘𑀧𑀲𑀦𑁆𑀦𑀘𑀺𑀢𑁆𑀢𑁄 𑀲𑀼𑀫𑀦𑁄, 𑀯𑀦𑁆𑀤𑀺𑀢𑁆𑀯𑀸 [𑀣𑁄𑀫𑁂𑀢𑁆𑀯𑀸 (𑀲𑁆𑀬𑀸.)] 𑀜𑀸𑀡𑀫𑀼𑀢𑁆𑀢𑀫𑀁;

𑀫𑀺𑀦𑁂𑀮𑀧𑀼𑀧𑁆𑀨𑀁 𑀧𑀕𑁆𑀕𑀬𑁆𑀳, 𑀩𑀼𑀤𑁆𑀥𑀲𑁆𑀲 𑀅𑀪𑀺𑀭𑁄𑀧𑀬𑀺𑀁.

𑁭. ‘‘𑀏𑀓𑀢𑁆𑀢𑀺𑀁𑀲𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀧𑀼𑀧𑁆𑀨𑀫𑀪𑀺𑀧𑀽𑀚𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁮. ‘‘𑀏𑀓𑀽𑀦𑀢𑀺𑀁𑀲𑀓𑀧𑁆𑀧𑀫𑁆𑀳𑀺, 𑀲𑀼𑀫𑁂𑀖𑀖𑀦𑀦𑀸𑀫𑀓𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁯. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀫𑀺𑀦𑁂𑀮𑀧𑀼𑀧𑁆𑀨𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀫𑀺𑀦𑁂𑀮𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀤𑀼𑀢𑀺𑀬𑀁.