𑁩. 𑀓𑀺𑀗𑁆𑀓𑀡𑀺𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁦. ‘‘𑀓𑀜𑁆𑀘𑀦𑀕𑁆𑀖𑀺𑀬𑀲𑀗𑁆𑀓𑀸𑀲𑁄, 𑀲𑀩𑁆𑀩𑀜𑁆𑀜𑀽 𑀮𑁄𑀓𑀦𑀸𑀬𑀓𑁄;

𑀑𑀤𑀓𑀁 𑀤𑀳𑀫𑁄𑀕𑁆𑀕𑀬𑁆𑀳, 𑀲𑀺𑀦𑀸𑀬𑀺 𑀮𑁄𑀓𑀦𑀸𑀬𑀓𑁄.

𑁧𑁧. ‘‘𑀧𑀕𑁆𑀕𑀬𑁆𑀳 𑀓𑀺𑀗𑁆𑀓𑀡𑀺𑀁 [𑀓𑀺𑀗𑁆𑀓𑀺𑀡𑀺𑀁 (𑀲𑀻.)] 𑀧𑀼𑀧𑁆𑀨𑀁, 𑀯𑀺𑀧𑀲𑁆𑀲𑀺𑀲𑁆𑀲𑀸𑀪𑀺𑀭𑁄𑀧𑀬𑀺𑀁;

𑀉𑀤𑀕𑁆𑀕𑀘𑀺𑀢𑁆𑀢𑁄 𑀲𑀼𑀫𑀦𑁄, 𑀤𑁆𑀯𑀺𑀧𑀤𑀺𑀦𑁆𑀤𑀲𑁆𑀲 𑀢𑀸𑀤𑀺𑀦𑁄.

𑁧𑁨. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀧𑀼𑀧𑁆𑀨𑀫𑀪𑀺𑀭𑁄𑀧𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀩𑀼𑀤𑁆𑀥𑀧𑀽𑀚𑀸𑀬𑀺𑀤𑀁 𑀨𑀮𑀁.

𑁧𑁩. ‘‘𑀲𑀢𑁆𑀢𑀯𑀻𑀲𑀢𑀺𑀓𑀧𑁆𑀧𑀫𑁆𑀳𑀺, 𑀭𑀸𑀚𑀸 𑀪𑀻𑀫𑀭𑀣𑁄 𑀅𑀳𑀼;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁧𑁪. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀓𑀺𑀗𑁆𑀓𑀡𑀺𑀧𑀼𑀧𑁆𑀨𑀺𑀬𑁄 [𑀓𑀺𑀗𑁆𑀓𑀺𑀡𑀺𑀓𑀧𑀼𑀧𑁆𑀨𑀺𑀬𑁄 (𑀲𑀻.)] 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀓𑀺𑀗𑁆𑀓𑀡𑀺𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀢𑀢𑀺𑀬𑀁.