𑁪. 𑀆𑀭𑀓𑁆𑀔𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁧𑁯. ‘‘𑀲𑀺𑀤𑁆𑀥𑀢𑁆𑀣𑀲𑁆𑀲 𑀪𑀕𑀯𑀢𑁄, 𑀯𑁂𑀤𑀺 𑀓𑀸𑀭𑀸𑀧𑀺𑀢𑀸 [𑀯𑁂𑀤𑀺𑀓𑀸 𑀓𑀸𑀭𑀺𑀢𑀸 (𑀲𑁆𑀬𑀸.)] 𑀫𑀬𑀸;

𑀆𑀭𑀓𑁆𑀔𑁄 𑀘 𑀫𑀬𑀸 𑀤𑀺𑀦𑁆𑀦𑁄, 𑀲𑀼𑀕𑀢𑀲𑁆𑀲 𑀫𑀳𑁂𑀲𑀺𑀦𑁄.

𑁨𑁦. ‘‘𑀢𑁂𑀦 𑀓𑀫𑁆𑀫𑀯𑀺𑀲𑁂𑀲𑁂𑀦, 𑀦 𑀧𑀲𑁆𑀲𑀺𑀁 𑀪𑀬𑀪𑁂𑀭𑀯𑀁;

𑀓𑀼𑀳𑀺𑀜𑁆𑀘𑀺 𑀉𑀧𑀧𑀦𑁆𑀦𑀲𑁆𑀲, 𑀢𑀸𑀲𑁄 𑀫𑀬𑁆𑀳𑀁 𑀦 𑀯𑀺𑀚𑁆𑀚𑀢𑀺.

𑁨𑁧. ‘‘𑀘𑀢𑀼𑀦𑁆𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀯𑁂𑀤𑀺𑀁 𑀓𑀸𑀭𑀬𑀺𑀁 𑀧𑀼𑀭𑁂;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀯𑁂𑀤𑀺𑀓𑀸𑀬 𑀇𑀤𑀁 𑀨𑀮𑀁.

𑁨𑁨. ‘‘𑀇𑀢𑁄 𑀙𑀝𑁆𑀞𑀫𑁆𑀳𑀺 𑀓𑀧𑁆𑀧𑀫𑁆𑀳𑀺, 𑀅𑀧𑀲𑁆𑀲𑁂𑀦𑀲𑀦𑀸𑀫𑀓𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁨𑁩. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀆𑀭𑀓𑁆𑀔𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀆𑀭𑀓𑁆𑀔𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀘𑀢𑀼𑀢𑁆𑀣𑀁.