𑁧𑁦. 𑀢𑀺𑀯𑀡𑁆𑀝𑀺𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁫𑁭. ‘‘𑀅𑀪𑀺𑀪𑀽𑀢𑀁 𑀧𑀦𑀺𑀚𑁆𑀛𑀦𑁆𑀢𑀺 [𑀅𑀪𑀺𑀪𑀽𑀢𑁄𑀧𑀦𑀺𑀚𑁆𑀛𑀦𑁆𑀢𑀺 (𑀲𑀻.)], 𑀲𑀩𑁆𑀩𑁂 𑀲𑀗𑁆𑀕𑀫𑁆𑀫 𑀢𑁂 𑀫𑀫𑀁 [𑀅𑀪𑀺𑀪𑀼𑀁 𑀣𑁂𑀭𑀁 𑀧𑀦𑀺𑀚𑁆𑀛𑀸𑀫, 𑀲𑀩𑁆𑀩𑁂 𑀲𑀗𑁆𑀕𑀫𑁆𑀫 𑀢𑁂 𑀫𑀬𑀁 (𑀲𑁆𑀬𑀸.)];

𑀢𑁂𑀲𑀁 𑀦𑀺𑀚𑁆𑀛𑀸𑀬𑀫𑀸𑀦𑀸𑀦𑀁, 𑀧𑀭𑀺𑀴𑀸𑀳𑁄 𑀅𑀚𑀸𑀬𑀣.

𑁫𑁮. ‘‘𑀲𑀼𑀦𑀦𑁆𑀤𑁄 𑀦𑀸𑀫 𑀦𑀸𑀫𑁂𑀦, 𑀩𑀼𑀤𑁆𑀥𑀲𑁆𑀲 𑀲𑀸𑀯𑀓𑁄 𑀢𑀤𑀸;

𑀥𑀫𑁆𑀫𑀤𑀲𑁆𑀲𑀺𑀲𑁆𑀲 𑀫𑀼𑀦𑀺𑀦𑁄, 𑀆𑀕𑀘𑁆𑀙𑀺 𑀫𑀫 𑀲𑀦𑁆𑀢𑀺𑀓𑀁.

𑁫𑁯. ‘‘𑀬𑁂 𑀫𑁂 𑀩𑀤𑁆𑀥𑀘𑀭𑀸 𑀆𑀲𑀼𑀁, 𑀢𑁂 𑀫𑁂 𑀧𑀼𑀧𑁆𑀨𑀁 𑀅𑀤𑀼𑀁 𑀢𑀤𑀸;

𑀢𑀸𑀳𑀁 𑀧𑀼𑀧𑁆𑀨𑀁 𑀕𑀳𑁂𑀢𑁆𑀯𑀸𑀦, 𑀲𑀸𑀯𑀓𑁂 𑀅𑀪𑀺𑀭𑁄𑀧𑀬𑀺𑀁.

𑁬𑁦. ‘‘𑀲𑁄𑀳𑀁 𑀓𑀸𑀮𑀁𑀓𑀢𑁄 𑀢𑀢𑁆𑀣, 𑀧𑀼𑀦𑀸𑀧𑀺 𑀉𑀧𑀧𑀚𑁆𑀚𑀳𑀁;

𑀅𑀝𑁆𑀞𑀸𑀭𑀲𑁂 𑀓𑀧𑁆𑀧𑀲𑀢𑁂, 𑀯𑀺𑀦𑀺𑀧𑀸𑀢𑀁 𑀦 𑀕𑀘𑁆𑀙𑀳𑀁.

𑁬𑁧. ‘‘𑀢𑁂𑀭𑀲𑁂𑀢𑁄 𑀓𑀧𑁆𑀧𑀲𑀢𑁂, 𑀅𑀝𑁆𑀞𑀸𑀲𑀼𑀁 𑀥𑀽𑀫𑀓𑁂𑀢𑀼𑀦𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑀸, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑀸.

𑁬𑁨. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀢𑀺𑀯𑀡𑁆𑀝𑀺𑀧𑀼𑀧𑁆𑀨𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺;

𑀢𑀺𑀯𑀡𑁆𑀝𑀺𑀧𑀼𑀧𑁆𑀨𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀤𑀲𑀫𑀁.

𑀓𑀼𑀝𑀚𑀧𑀼𑀧𑁆𑀨𑀺𑀬𑀯𑀕𑁆𑀕𑁄 𑀏𑀓𑀽𑀦𑀯𑀻𑀲𑀢𑀺𑀫𑁄.