𑁧𑁦. 𑀧𑀜𑁆𑀘𑀗𑁆𑀕𑀼𑀮𑀺𑀬𑀢𑁆𑀣𑁂𑀭𑀅𑀧𑀤𑀸𑀦𑀁

𑁫𑁦. ‘‘𑀢𑀺𑀲𑁆𑀲𑁄 𑀦𑀸𑀫𑀸𑀲𑀺 𑀪𑀕𑀯𑀸, 𑀮𑁄𑀓𑀚𑁂𑀝𑁆𑀞𑁄 𑀦𑀭𑀸𑀲𑀪𑁄;

𑀧𑀯𑀺𑀲𑀢𑀺 𑀕𑀦𑁆𑀥𑀓𑀼𑀝𑀺𑀁, 𑀯𑀺𑀳𑀸𑀭𑀓𑀼𑀲𑀮𑁄 𑀫𑀼𑀦𑀺.

𑁫𑁧. ‘‘𑀲𑀼𑀕𑀦𑁆𑀥𑀫𑀸𑀮𑀫𑀸𑀤𑀸𑀬, 𑀅𑀕𑀫𑀸𑀲𑀺𑀁 𑀚𑀺𑀦𑀦𑁆𑀢𑀺𑀓𑀁;

𑀅𑀧𑀲𑀤𑁆𑀤𑁄 𑀘 𑀲𑀫𑁆𑀩𑀼𑀤𑁆𑀥𑁂, 𑀧𑀜𑁆𑀘𑀗𑁆𑀕𑀼𑀮𑀺𑀫𑀤𑀸𑀲𑀳𑀁.

𑁫𑁨. ‘‘𑀤𑁆𑀯𑁂𑀦𑀯𑀼𑀢𑁂 𑀇𑀢𑁄 𑀓𑀧𑁆𑀧𑁂, 𑀬𑀁 𑀕𑀦𑁆𑀥𑀫𑀪𑀺𑀭𑁄𑀧𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀧𑀜𑁆𑀘𑀗𑁆𑀕𑀼𑀮𑀺𑀲𑁆𑀲𑀺𑀤𑀁 [𑀧𑀜𑁆𑀘𑀗𑁆𑀕𑀼𑀮𑀺𑀬𑀺𑀤𑀁 (𑀲𑀻.)] 𑀨𑀮𑀁.

𑁫𑁩. ‘‘𑀤𑁆𑀯𑁂𑀲𑀢𑁆𑀢𑀢𑀺𑀫𑁆𑀳𑀺𑀢𑁄 𑀓𑀧𑁆𑀧𑁂, 𑀭𑀸𑀚𑀸 𑀆𑀲𑀺𑀁 𑀲𑀬𑀫𑁆𑀧𑀪𑁄;

𑀲𑀢𑁆𑀢𑀭𑀢𑀦𑀲𑀫𑁆𑀧𑀦𑁆𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑁄.

𑁫𑁪. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀧𑀜𑁆𑀘𑀗𑁆𑀕𑀼𑀮𑀺𑀬𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺;

𑀧𑀜𑁆𑀘𑀗𑁆𑀕𑀼𑀮𑀺𑀬𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀤𑀲𑀫𑀁.

𑀲𑀼𑀧𑀸𑀭𑀺𑀘𑀭𑀺𑀬𑀯𑀕𑁆𑀕𑁄 𑀲𑀢𑁆𑀢𑀭𑀲𑀫𑁄.