𑁯. 𑀲𑀸𑀮𑀧𑀼𑀧𑁆𑀨𑀤𑀸𑀬𑀓𑀢𑁆𑀣𑁂𑀭𑀅𑀧𑀤𑀸𑀦𑀁

𑁬𑁦. ‘‘𑀫𑀺𑀕𑀭𑀸𑀚𑀸 𑀢𑀤𑀸 𑀆𑀲𑀺𑀁, 𑀅𑀪𑀺𑀚𑀸𑀢𑁄 𑀲𑀼𑀓𑁂𑀲𑀭𑀻;

𑀕𑀺𑀭𑀺𑀤𑀼𑀕𑁆𑀕𑀁 𑀕𑀯𑁂𑀲𑀦𑁆𑀢𑁄, 𑀅𑀤𑁆𑀤𑀲𑀁 𑀮𑁄𑀓𑀦𑀸𑀬𑀓𑀁.

𑁬𑁧. ‘‘𑀅𑀬𑀁 𑀦𑀼 𑀔𑁄 𑀫𑀳𑀸𑀯𑀻𑀭𑁄, 𑀦𑀺𑀩𑁆𑀩𑀸𑀧𑁂𑀢𑀺 𑀫𑀳𑀸𑀚𑀦𑀁;

𑀬𑀁𑀦𑀽𑀦𑀸𑀳𑀁 𑀉𑀧𑀸𑀲𑁂𑀬𑁆𑀬𑀁, 𑀤𑁂𑀯𑀤𑁂𑀯𑀁 𑀦𑀭𑀸𑀲𑀪𑀁.

𑁬𑁨. ‘‘𑀲𑀸𑀔𑀁 𑀲𑀸𑀮𑀲𑁆𑀲 𑀪𑀜𑁆𑀚𑀺𑀢𑁆𑀯𑀸, 𑀲𑀓𑁄𑀲𑀁 𑀧𑀼𑀧𑁆𑀨𑀫𑀸𑀳𑀭𑀺𑀁;

𑀉𑀧𑀕𑀦𑁆𑀢𑁆𑀯𑀸𑀦 𑀲𑀫𑁆𑀩𑀼𑀤𑁆𑀥𑀁, 𑀅𑀤𑀸𑀲𑀺𑀁 𑀧𑀼𑀧𑁆𑀨𑀫𑀼𑀢𑁆𑀢𑀫𑀁.

𑁬𑁩. ‘‘𑀏𑀓𑀦𑀯𑀼𑀢𑀺𑀢𑁄 𑀓𑀧𑁆𑀧𑁂, 𑀬𑀁 𑀧𑀼𑀧𑁆𑀨𑀫𑀪𑀺𑀭𑁄𑀧𑀬𑀺𑀁;

𑀤𑀼𑀕𑁆𑀕𑀢𑀺𑀁 𑀦𑀸𑀪𑀺𑀚𑀸𑀦𑀸𑀫𑀺, 𑀧𑀼𑀧𑁆𑀨𑀤𑀸𑀦𑀲𑁆𑀲𑀺𑀤𑀁 𑀨𑀮𑀁.

𑁬𑁪. ‘‘𑀇𑀢𑁄 𑀘 𑀦𑀯𑀫𑁂 𑀓𑀧𑁆𑀧𑁂, 𑀯𑀺𑀭𑁄𑀘𑀦𑀲𑀦𑀸𑀫𑀓𑀸;

𑀢𑀬𑁄 𑀆𑀲𑀺𑀁𑀲𑀼 𑀭𑀸𑀚𑀸𑀦𑁄, 𑀘𑀓𑁆𑀓𑀯𑀢𑁆𑀢𑀻 𑀫𑀳𑀩𑁆𑀩𑀮𑀸.

𑁬𑁫. ‘‘𑀧𑀝𑀺𑀲𑀫𑁆𑀪𑀺𑀤𑀸 𑀘𑀢𑀲𑁆𑀲𑁄…𑀧𑁂… 𑀓𑀢𑀁 𑀩𑀼𑀤𑁆𑀥𑀲𑁆𑀲 𑀲𑀸𑀲𑀦𑀁’’.

𑀇𑀢𑁆𑀣𑀁 𑀲𑀼𑀤𑀁 𑀆𑀬𑀲𑁆𑀫𑀸 𑀲𑀸𑀮𑀧𑀼𑀧𑁆𑀨𑀤𑀸𑀬𑀓𑁄 𑀣𑁂𑀭𑁄 𑀇𑀫𑀸 𑀕𑀸𑀣𑀸𑀬𑁄 𑀅𑀪𑀸𑀲𑀺𑀢𑁆𑀣𑀸𑀢𑀺.

𑀲𑀸𑀮𑀧𑀼𑀧𑁆𑀨𑀤𑀸𑀬𑀓𑀢𑁆𑀣𑁂𑀭𑀲𑁆𑀲𑀸𑀧𑀤𑀸𑀦𑀁 𑀦𑀯𑀫𑀁.