𑁩. 𑀢𑀢𑀺𑀬𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁯𑁮𑁮. 𑀢𑀢𑀺𑀬𑁂 𑁋 𑀉𑀚𑁆𑀚𑀯𑀼𑀚𑁆𑀚𑀯𑁂𑀢𑀺 𑀬𑀢𑁆𑀢𑀓𑀁 𑀳𑀢𑁆𑀣𑁂𑀦 𑀅𑀜𑁆𑀙𑀺𑀢𑀁 𑀳𑁄𑀢𑀺, 𑀢𑀲𑁆𑀫𑀺𑀁 𑀢𑀓𑁆𑀓𑀫𑁆𑀳𑀺 𑀯𑁂𑀞𑀺𑀢𑁂 𑀏𑀓𑀸 𑀆𑀧𑀢𑁆𑀢𑀺. 𑀓𑀦𑁆𑀢𑀦𑀢𑁄 𑀧𑀦 𑀧𑀼𑀩𑁆𑀩𑁂 𑀓𑀧𑁆𑀧𑀸𑀲𑀯𑀺𑀘𑀺𑀦𑀦𑀁 𑀆𑀤𑀺𑀁 𑀓𑀢𑁆𑀯𑀸 𑀲𑀩𑁆𑀩𑀧𑀬𑁄𑀕𑁂𑀲𑀼 𑀳𑀢𑁆𑀣𑀯𑀸𑀭𑀕𑀡𑀦𑀸𑀬 𑀤𑀼𑀓𑁆𑀓𑀝𑀁.

𑁯𑁮𑁯. 𑀓𑀦𑁆𑀢𑀺𑀢𑀲𑀼𑀢𑁆𑀢𑀦𑁆𑀢𑀺 𑀤𑀲𑀺𑀓𑀲𑀼𑀢𑁆𑀢𑀸𑀤𑀺𑀁 𑀲𑀗𑁆𑀖𑀸𑀝𑁂𑀢𑁆𑀯𑀸 𑀓𑀦𑁆𑀢𑀢𑀺, 𑀤𑀼𑀓𑁆𑀓𑀦𑁆𑀢𑀺𑀢𑀁 𑀯𑀸 𑀧𑀝𑀺𑀓𑀦𑁆𑀢𑀢𑀺. 𑀲𑁂𑀲𑀁 𑀉𑀢𑁆𑀢𑀸𑀦𑀫𑁂𑀯. 𑀏𑀴𑀓𑀮𑁄𑀫𑀲𑀫𑀼𑀝𑁆𑀞𑀸𑀦𑀁 𑁋 𑀓𑀺𑀭𑀺𑀬𑀁, 𑀦𑁄𑀲𑀜𑁆𑀜𑀸𑀯𑀺𑀫𑁄𑀓𑁆𑀔𑀁, 𑀅𑀘𑀺𑀢𑁆𑀢𑀓𑀁, 𑀧𑀡𑁆𑀡𑀢𑁆𑀢𑀺𑀯𑀚𑁆𑀚𑀁, 𑀓𑀸𑀬𑀓𑀫𑁆𑀫𑀁, 𑀢𑀺𑀘𑀺𑀢𑁆𑀢𑀁, 𑀢𑀺𑀯𑁂𑀤𑀦𑀦𑁆𑀢𑀺.

𑀢𑀢𑀺𑀬𑀲𑀺𑀓𑁆𑀔𑀸𑀧𑀤𑀁.