𑁮. 𑀲𑀢𑁆𑀢𑀸𑀥𑀺𑀓𑀭𑀡𑀲𑀫𑀣𑀸

𑁬𑁫𑁫. 𑀅𑀥𑀺𑀓𑀭𑀡𑀲𑀫𑀣𑁂𑀲𑀼 𑁋 𑀲𑀢𑁆𑀢𑀸𑀢𑀺 𑀢𑁂𑀲𑀁 𑀥𑀫𑁆𑀫𑀸𑀦𑀁 𑀲𑀗𑁆𑀔𑁆𑀬𑀸𑀧𑀭𑀺𑀘𑁆𑀙𑁂𑀤𑁄. 𑀘𑀢𑀼𑀩𑁆𑀩𑀺𑀥𑀁 𑀅𑀥𑀺𑀓𑀭𑀡𑀁 𑀲𑀫𑁂𑀦𑁆𑀢𑀺 𑀯𑀽𑀧𑀲𑀫𑁂𑀦𑁆𑀢𑀻𑀢𑀺 𑀅𑀥𑀺𑀓𑀭𑀡𑀲𑀫𑀣𑀸. 𑀢𑁂𑀲𑀁 𑀯𑀺𑀢𑁆𑀣𑀸𑀭𑁄 𑀔𑀦𑁆𑀥𑀓𑁂 𑀘 𑀧𑀭𑀺𑀯𑀸𑀭𑁂 𑀘 𑀯𑀼𑀢𑁆𑀢𑁄, 𑀢𑀲𑁆𑀲𑀢𑁆𑀣𑀁 𑀢𑀢𑁆𑀣𑁂𑀯 𑀯𑀡𑁆𑀡𑀬𑀺𑀲𑁆𑀲𑀸𑀫. 𑀲𑁂𑀲𑀁 𑀲𑀩𑁆𑀩𑀢𑁆𑀣 𑀉𑀢𑁆𑀢𑀸𑀦𑀫𑁂𑀯𑀸𑀢𑀺.

𑀲𑀫𑀦𑁆𑀢𑀧𑀸𑀲𑀸𑀤𑀺𑀓𑀸𑀬 𑀯𑀺𑀦𑀬𑀲𑀁𑀯𑀡𑁆𑀡𑀦𑀸𑀬

𑀪𑀺𑀓𑁆𑀔𑀼𑀯𑀺𑀪𑀗𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀅𑀦𑀦𑁆𑀢𑀭𑀸𑀬𑁂𑀦 𑀬𑀣𑀸, 𑀦𑀺𑀝𑁆𑀞𑀺𑀢𑀸 𑀯𑀡𑁆𑀡𑀦𑀸 𑀅𑀬𑀁;

𑀅𑀦𑀦𑁆𑀢𑀭𑀸𑀬𑁂𑀦 𑀢𑀣𑀸, 𑀲𑀦𑁆𑀢𑀺𑀁 𑀧𑀧𑁆𑀧𑁄𑀦𑁆𑀢𑀼 𑀧𑀸𑀡𑀺𑀦𑁄.

𑀘𑀺𑀭𑀁 𑀢𑀺𑀝𑁆𑀞𑀢𑀼 𑀲𑀤𑁆𑀥𑀫𑁆𑀫𑁄, 𑀓𑀸𑀮𑁂 𑀯𑀲𑁆𑀲𑀁 𑀘𑀺𑀭𑀁 𑀧𑀚𑀁;

𑀢𑀧𑁆𑀧𑁂𑀢𑀼 𑀤𑁂𑀯𑁄 𑀥𑀫𑁆𑀫𑁂𑀦, 𑀭𑀸𑀚𑀸 𑀭𑀓𑁆𑀔𑀢𑀼 𑀫𑁂𑀤𑀦𑀺𑀦𑁆𑀢𑀺.

𑀫𑀳𑀸𑀯𑀺𑀪𑀗𑁆𑀕𑁄 𑀦𑀺𑀝𑁆𑀞𑀺𑀢𑁄.

𑀦𑀫𑁄 𑀢𑀲𑁆𑀲 𑀪𑀕𑀯𑀢𑁄 𑀅𑀭𑀳𑀢𑁄 𑀲𑀫𑁆𑀫𑀸𑀲𑀫𑁆𑀩𑀼𑀤𑁆𑀥𑀲𑁆𑀲