𑁫. 𑀓𑀩𑀴𑀯𑀕𑁆𑀕𑀯𑀡𑁆𑀡𑀦𑀸

𑁬𑁧𑁭. 𑀅𑀦𑀸𑀳𑀝𑁂𑀢𑀺 𑀅𑀦𑀸𑀳𑀭𑀺𑀢𑁂; 𑀫𑀼𑀔𑀤𑁆𑀯𑀸𑀭𑀁 𑀅𑀲𑀫𑁆𑀧𑀸𑀧𑀺𑀢𑁂𑀢𑀺 𑀅𑀢𑁆𑀣𑁄.

𑁬𑁧𑁮. 𑀲𑀩𑁆𑀩𑀁 𑀳𑀢𑁆𑀣𑀦𑁆𑀢𑀺 𑀲𑀓𑀮𑀳𑀢𑁆𑀣𑀁.

𑁬𑁧𑁯. 𑀲𑀓𑀩𑀴𑁂𑀦𑀸𑀢𑀺 𑀏𑀢𑁆𑀣 𑀥𑀫𑁆𑀫𑀁 𑀓𑀣𑁂𑀦𑁆𑀢𑁄 𑀳𑀭𑀻𑀢𑀓𑀁 𑀯𑀸 𑀮𑀝𑁆𑀞𑀺𑀫𑀥𑀼𑀓𑀁 𑀯𑀸 𑀫𑀼𑀔𑁂 𑀧𑀓𑁆𑀔𑀺𑀧𑀺𑀢𑁆𑀯𑀸 𑀓𑀣𑁂𑀢𑀺. 𑀬𑀢𑁆𑀢𑀓𑁂𑀦 𑀯𑀘𑀦𑀁 𑀅𑀧𑀭𑀺𑀧𑀼𑀡𑁆𑀡𑀁 𑀦 𑀳𑁄𑀢𑀺, 𑀢𑀢𑁆𑀢𑀓𑁂 𑀫𑀼𑀔𑀫𑁆𑀳𑀺 𑀲𑀦𑁆𑀢𑁂 𑀓𑀣𑁂𑀢𑀼𑀁 𑀯𑀝𑁆𑀝𑀢𑀺.

𑁬𑁨𑁦. 𑀧𑀺𑀡𑁆𑀟𑀼𑀓𑁆𑀔𑁂𑀧𑀓𑀦𑁆𑀢𑀺 𑀧𑀺𑀡𑁆𑀟𑀁 𑀉𑀓𑁆𑀔𑀺𑀧𑀺𑀢𑁆𑀯𑀸 𑀉𑀓𑁆𑀔𑀺𑀧𑀺𑀢𑁆𑀯𑀸.

𑁬𑁨𑁧. 𑀓𑀩𑀴𑀸𑀯𑀘𑁆𑀙𑁂𑀤𑀓𑀦𑁆𑀢𑀺 𑀓𑀩𑀴𑀁 𑀅𑀯𑀘𑁆𑀙𑀺𑀦𑁆𑀤𑀺𑀢𑁆𑀯𑀸 𑀅𑀯𑀘𑁆𑀙𑀺𑀦𑁆𑀤𑀺𑀢𑁆𑀯𑀸.

𑁬𑁨𑁨. 𑀅𑀯𑀕𑀡𑁆𑀟𑀓𑀸𑀭𑀓𑀦𑁆𑀢𑀺 𑀫𑀓𑁆𑀓𑀝𑁄 𑀯𑀺𑀬 𑀕𑀡𑁆𑀟𑁂 𑀓𑀢𑁆𑀯𑀸 𑀓𑀢𑁆𑀯𑀸.

𑁬𑁨𑁩. 𑀳𑀢𑁆𑀣𑀦𑀺𑀤𑁆𑀥𑀼𑀦𑀓𑀦𑁆𑀢𑀺 𑀳𑀢𑁆𑀣𑀁 𑀦𑀺𑀤𑁆𑀥𑀼𑀦𑀺𑀢𑁆𑀯𑀸 𑀦𑀺𑀤𑁆𑀥𑀼𑀦𑀺𑀢𑁆𑀯𑀸.

𑁬𑁨𑁪. 𑀲𑀺𑀢𑁆𑀣𑀸𑀯𑀓𑀸𑀭𑀓𑀦𑁆𑀢𑀺 𑀲𑀺𑀢𑁆𑀣𑀸𑀦𑀺 𑀅𑀯𑀓𑀺𑀭𑀺𑀢𑁆𑀯𑀸 𑀅𑀯𑀓𑀺𑀭𑀺𑀢𑁆𑀯𑀸.

𑁬𑁨𑁫. 𑀚𑀺𑀯𑁆𑀳𑀸𑀦𑀺𑀘𑁆𑀙𑀸𑀭𑀓𑀦𑁆𑀢𑀺 𑀚𑀺𑀯𑁆𑀳𑀁 𑀦𑀺𑀘𑁆𑀙𑀸𑀭𑁂𑀢𑁆𑀯𑀸 𑀦𑀺𑀘𑁆𑀙𑀸𑀭𑁂𑀢𑁆𑀯𑀸.

𑁬𑁨𑁬. 𑀘𑀧𑀼𑀘𑀧𑀼𑀓𑀸𑀭𑀓𑀦𑁆𑀢𑀺 𑀘𑀧𑀼 𑀘𑀧𑀽𑀢𑀺 𑀏𑀯𑀁 𑀲𑀤𑁆𑀤𑀁 𑀓𑀢𑁆𑀯𑀸 𑀓𑀢𑁆𑀯𑀸.

𑀧𑀜𑁆𑀘𑀫𑁄 𑀯𑀕𑁆𑀕𑁄.