𑁯. 𑀲𑁂𑀦𑀸𑀯𑀸𑀲𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁩𑁧𑁯. 𑀦𑀯𑀫𑁂 𑁋 𑀅𑀢𑁆𑀣𑀗𑁆𑀕𑀢𑁂 𑀲𑀽𑀭𑀺𑀬𑁂 𑀲𑁂𑀦𑀸𑀬 𑀯𑀲𑀢𑀻𑀢𑀺 𑀢𑀺𑀝𑁆𑀞𑀢𑀼 𑀯𑀸 𑀦𑀺𑀲𑀻𑀤𑀢𑀼 𑀯𑀸 𑀲𑀬𑀢𑀼 𑀯𑀸 𑀲𑀘𑁂𑀧𑀺 𑀆𑀓𑀸𑀲𑁂 𑀇𑀤𑁆𑀥𑀺𑀬𑀸 𑀓𑀜𑁆𑀘𑀺 𑀇𑀭𑀺𑀬𑀸𑀧𑀣𑀁 𑀓𑀧𑁆𑀧𑁂𑀢𑀺, 𑀧𑀸𑀘𑀺𑀢𑁆𑀢𑀺𑀬𑀫𑁂𑀯. 𑀲𑁂𑀦𑀸 𑀯𑀸 𑀧𑀝𑀺𑀲𑁂𑀦𑀸𑀬 𑀭𑀼𑀤𑁆𑀥𑀸 𑀳𑁄𑀢𑀻𑀢𑀺 𑀬𑀣𑀸 𑀲𑀜𑁆𑀘𑀸𑀭𑁄 𑀙𑀺𑀚𑁆𑀚𑀢𑀺; 𑀏𑀯𑀁 𑀭𑀼𑀤𑁆𑀥𑀸 𑀳𑁄𑀢𑀺. 𑀧𑀮𑀺𑀩𑀼𑀤𑁆𑀥𑁄𑀢𑀺 𑀯𑁂𑀭𑀺𑀓𑁂𑀦 𑀯𑀸 𑀇𑀲𑁆𑀲𑀭𑁂𑀦 𑀯𑀸 𑀭𑀼𑀤𑁆𑀥𑁄. 𑀲𑁂𑀲𑀁 𑀉𑀢𑁆𑀢𑀸𑀦𑀫𑁂𑀯. 𑀏𑀴𑀓𑀮𑁄𑀫𑀲𑀫𑀼𑀝𑁆𑀞𑀸𑀦𑀁 𑁋 𑀓𑀺𑀭𑀺𑀬𑀁, 𑀦𑁄𑀲𑀜𑁆𑀜𑀸𑀯𑀺𑀫𑁄𑀓𑁆𑀔𑀁, 𑀅𑀘𑀺𑀢𑁆𑀢𑀓𑀁, 𑀧𑀡𑁆𑀡𑀢𑁆𑀢𑀺𑀯𑀚𑁆𑀚𑀁, 𑀓𑀸𑀬𑀓𑀫𑁆𑀫𑀁, 𑀢𑀺𑀘𑀺𑀢𑁆𑀢𑀁, 𑀢𑀺𑀯𑁂𑀤𑀦𑀦𑁆𑀢𑀺.

𑀲𑁂𑀦𑀸𑀯𑀸𑀲𑀲𑀺𑀓𑁆𑀔𑀸𑀧𑀤𑀁 𑀦𑀯𑀫𑀁.