𑁧𑁧. 𑀲𑀗𑁆𑀕𑀸𑀭𑀯𑀲𑀼𑀢𑁆𑀢𑀯𑀡𑁆𑀡𑀦𑀸

𑁨𑁦𑁭. 𑀏𑀓𑀸𑀤𑀲𑀫𑁂 𑀧𑀘𑁆𑀘𑁂𑀢𑀻𑀢𑀺 𑀇𑀘𑁆𑀙𑀢𑀺 𑀧𑀢𑁆𑀣𑁂𑀢𑀺. 𑀲𑀸𑀥𑀼, 𑀪𑀦𑁆𑀢𑁂𑀢𑀺 𑀆𑀬𑀸𑀘𑀫𑀸𑀦𑁄 𑀆𑀳. 𑀣𑁂𑀭𑀲𑁆𑀲 𑀓𑀺𑀭𑁂𑀲 𑀕𑀺𑀳𑀺𑀲𑀳𑀸𑀬𑁄, 𑀢𑀲𑁆𑀫𑀸 𑀣𑁂𑀭𑁄 ‘‘𑀅𑀬𑀁 𑀯𑀭𑀸𑀓𑁄 𑀫𑀁 𑀲𑀳𑀸𑀬𑀁 𑀮𑀪𑀺𑀢𑁆𑀯𑀸𑀧𑀺 𑀫𑀺𑀘𑁆𑀙𑀸𑀤𑀺𑀝𑁆𑀞𑀺𑀁 𑀕𑀳𑁂𑀢𑁆𑀯𑀸 𑀫𑀸 𑀅𑀧𑀸𑀬𑀧𑀽𑀭𑀓𑁄 𑀅𑀳𑁄𑀲𑀻’’𑀢𑀺 𑀆𑀬𑀸𑀘𑀢𑀺. 𑀅𑀧𑀺𑀘𑁂𑀲 𑀫𑀳𑀸𑀧𑀭𑀺𑀯𑀸𑀭𑁄, 𑀢𑀲𑁆𑀫𑀺𑀁 𑀧𑀲𑀦𑁆𑀦𑁂 𑀧𑀜𑁆𑀘𑀓𑀼𑀮𑀲𑀢𑀸𑀦𑀺 𑀅𑀦𑀼𑀯𑀢𑁆𑀢𑀺𑀲𑁆𑀲𑀦𑁆𑀢𑀻𑀢𑀺 𑀫𑀜𑁆𑀜𑀫𑀸𑀦𑁄𑀧𑀺 𑀆𑀬𑀸𑀘𑀢𑀺. 𑀅𑀢𑁆𑀣𑀯𑀲𑀦𑁆𑀢𑀺 𑀅𑀢𑁆𑀣𑀸𑀦𑀺𑀲𑀁𑀲𑀁 𑀅𑀢𑁆𑀣𑀓𑀸𑀭𑀡𑀁. 𑀧𑀸𑀧𑀦𑁆𑀢𑀺 𑀧𑀸𑀡𑀸𑀢𑀺𑀧𑀸𑀢𑀸𑀤𑀺𑀅𑀓𑀼𑀲𑀮𑀁. 𑀧𑀯𑀸𑀳𑁂𑀫𑀻𑀢𑀺 𑀕𑀮𑀧𑁆𑀧𑀫𑀸𑀡𑀁 𑀉𑀤𑀓𑀁 𑀑𑀢𑀭𑀺𑀢𑁆𑀯𑀸 𑀧𑀯𑀸𑀳𑁂𑀫𑀺 𑀧𑀮𑀸𑀧𑁂𑀫𑀺. 𑀥𑀫𑁆𑀫𑁄𑀢𑀺 𑀕𑀸𑀣𑀸 𑀯𑀼𑀢𑁆𑀢𑀢𑁆𑀣𑀸𑀯. 𑀏𑀓𑀸𑀤𑀲𑀫𑀁.