𑁯. 𑀤𑀼𑀢𑀺𑀬𑀲𑀽𑀘𑀺𑀯𑀺𑀫𑀸𑀦𑀯𑀡𑁆𑀡𑀦𑀸

𑀉𑀘𑁆𑀘𑀫𑀺𑀤𑀁 𑀫𑀡𑀺𑀣𑀽𑀡𑀦𑁆𑀢𑀺 𑀤𑀼𑀢𑀺𑀬𑀲𑀽𑀘𑀺𑀯𑀺𑀫𑀸𑀦𑀁. 𑀢𑀲𑁆𑀲 𑀓𑀸 𑀉𑀧𑁆𑀧𑀢𑁆𑀢𑀺? 𑀪𑀕𑀯𑀸 𑀭𑀸𑀚𑀕𑀳𑁂 𑀯𑀺𑀳𑀭𑀢𑀺 𑀯𑁂𑀴𑀼𑀯𑀦𑁂. 𑀢𑁂𑀦 𑀲𑀫𑀬𑁂𑀦 𑀭𑀸𑀚𑀕𑀳𑀯𑀸𑀲𑀻 𑀏𑀓𑁄 𑀢𑀼𑀦𑁆𑀦𑀓𑀸𑀭𑀓𑁄 𑀯𑀺𑀳𑀸𑀭𑀧𑁂𑀓𑁆𑀔𑀓𑁄 𑀳𑀼𑀢𑁆𑀯𑀸 𑀯𑁂𑀴𑀼𑀯𑀦𑀁 𑀕𑀢𑁄. 𑀢𑀢𑁆𑀣 𑀅𑀜𑁆𑀜𑀢𑀭𑀁 𑀪𑀺𑀓𑁆𑀔𑀼𑀁 𑀯𑁂𑀴𑀼𑀯𑀦𑁂 𑀓𑀢𑀲𑀽𑀘𑀺𑀬𑀸 𑀘𑀻𑀯𑀭𑀁 𑀲𑀺𑀩𑁆𑀩𑀦𑁆𑀢𑀁 𑀤𑀺𑀲𑁆𑀯𑀸 𑀲𑀽𑀘𑀺𑀖𑀭𑁂𑀦 𑀲𑀤𑁆𑀥𑀺𑀁 𑀲𑀽𑀘𑀺𑀬𑁄 𑀅𑀤𑀸𑀲𑀺. 𑀲𑁂𑀲𑀁 𑀲𑀩𑁆𑀩𑀁 𑀯𑀼𑀢𑁆𑀢𑀦𑀬𑀫𑁂𑀯.

𑁯𑁫𑁨. ‘‘𑀉𑀘𑁆𑀘𑀫𑀺𑀤𑀁 𑀫𑀡𑀺𑀣𑀽𑀡𑀁 𑀯𑀺𑀫𑀸𑀦𑀁…𑀧𑁂…

𑀯𑀡𑁆𑀡𑁄 𑀘 𑀢𑁂 𑀲𑀩𑁆𑀩𑀤𑀺𑀲𑀸 𑀧𑀪𑀸𑀲𑀢𑀻’’𑀢𑀺. 𑁋 𑀧𑀼𑀘𑁆𑀙𑀺;

𑁯𑁫𑁬. ‘‘𑀲𑁄 𑀤𑁂𑀯𑀧𑀼𑀢𑁆𑀢𑁄 𑀅𑀢𑁆𑀢𑀫𑀦𑁄…𑀧𑁂… 𑀬𑀲𑁆𑀲 𑀓𑀫𑁆𑀫𑀲𑁆𑀲𑀺𑀤𑀁 𑀨𑀮𑀁’’.

𑁯𑁫𑁭. ‘‘𑀅𑀳𑀁 𑀫𑀦𑀼𑀲𑁆𑀲𑁂𑀲𑀼 𑀫𑀦𑀼𑀲𑁆𑀲𑀪𑀽𑀢𑁄, 𑀧𑀼𑀭𑀺𑀫𑀚𑀸𑀢𑀺𑀬𑀸 𑀫𑀦𑀼𑀲𑁆𑀲𑀮𑁄𑀓𑁂.

𑁯𑁫𑁮. ‘‘𑀅𑀤𑁆𑀤𑀲𑀁 𑀯𑀺𑀭𑀚𑀁 𑀪𑀺𑀓𑁆𑀔𑀼𑀁, 𑀯𑀺𑀧𑁆𑀧𑀲𑀦𑁆𑀦𑀫𑀦𑀸𑀯𑀺𑀮𑀁;

𑀢𑀲𑁆𑀲 𑀅𑀤𑀸𑀲𑀳𑀁 𑀲𑀽𑀘𑀺𑀁, 𑀧𑀲𑀦𑁆𑀦𑁄 𑀲𑁂𑀳𑀺 𑀧𑀸𑀡𑀺𑀪𑀺.

𑁯𑁫𑁯. ‘‘𑀢𑁂𑀦 𑀫𑁂𑀢𑀸𑀤𑀺𑀲𑁄 𑀯𑀡𑁆𑀡𑁄…𑀧𑁂… 𑀯𑀡𑁆𑀡𑁄 𑀘 𑀫𑁂 𑀲𑀩𑁆𑀩𑀤𑀺𑀲𑀸 𑀧𑀪𑀸𑀲𑀢𑀻’’𑀢𑀺.

𑀢𑀁 𑀲𑀩𑁆𑀩𑀁 𑀳𑁂𑀝𑁆𑀞𑀸 𑀯𑀼𑀢𑁆𑀢𑀦𑀬𑀫𑁂𑀯.

𑀤𑀼𑀢𑀺𑀬𑀲𑀽𑀘𑀺𑀯𑀺𑀫𑀸𑀦𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.