𑁮. 𑀅𑀓𑁆𑀓𑁄𑀲𑀓𑀲𑀼𑀢𑁆𑀢𑀯𑀡𑁆𑀡𑀦𑀸

𑁮𑁮. 𑀅𑀝𑁆𑀞𑀫𑁂 𑀅𑀓𑁆𑀓𑁄𑀲𑀓𑀧𑀭𑀺𑀪𑀸𑀲𑀓𑁄 𑀅𑀭𑀺𑀬𑀽𑀧𑀯𑀸𑀤𑀻 𑀲𑀩𑁆𑀭𑀳𑁆𑀫𑀘𑀸𑀭𑀺𑀦𑀦𑁆𑀢𑀺 𑀏𑀢𑁆𑀣 𑀲𑀩𑁆𑀭𑀳𑁆𑀫𑀘𑀸𑀭𑀺𑀧𑀤𑀁 𑀅𑀓𑁆𑀓𑁄𑀲𑀓𑀧𑀭𑀺𑀪𑀸𑀲𑀓𑀧𑀤𑁂𑀳𑀺 𑀬𑁄𑀚𑁂𑀢𑀩𑁆𑀩𑀁 ‘‘𑀅𑀓𑁆𑀓𑁄𑀲𑀓𑁄 𑀲𑀩𑁆𑀭𑀳𑁆𑀫𑀘𑀸𑀭𑀻𑀦𑀁, 𑀧𑀭𑀺𑀪𑀸𑀲𑀓𑁄 𑀲𑀩𑁆𑀭𑀳𑁆𑀫𑀘𑀸𑀭𑀻𑀦’’𑀦𑁆𑀢𑀺. 𑀅𑀭𑀺𑀬𑀸𑀦𑀁 𑀧𑀦 𑀕𑀼𑀡𑁂 𑀙𑀺𑀦𑁆𑀤𑀺𑀲𑁆𑀲𑀸𑀫𑀻𑀢𑀺 𑀅𑀦𑁆𑀢𑀺𑀫𑀯𑀢𑁆𑀣𑀼𑀦𑀸 𑀉𑀧𑀯𑀤𑀦𑁆𑀢𑁄 𑀅𑀭𑀺𑀬𑀽𑀧𑀯𑀸𑀤𑀻 𑀦𑀸𑀫 𑀳𑁄𑀢𑀺. 𑀲𑀤𑁆𑀥𑀫𑁆𑀫𑀲𑁆𑀲 𑀦 𑀯𑁄𑀤𑀸𑀬𑀦𑁆𑀢𑀻𑀢𑀺 𑀲𑀺𑀓𑁆𑀔𑀸𑀢𑁆𑀢𑀬𑀲𑀗𑁆𑀔𑀸𑀢𑀸 𑀲𑀸𑀲𑀦𑀲𑀤𑁆𑀥𑀫𑁆𑀫𑀸 𑀅𑀲𑁆𑀲 𑀯𑁄𑀤𑀸𑀦𑀁 𑀦 𑀕𑀘𑁆𑀙𑀦𑁆𑀢𑀺. 𑀭𑁄𑀕𑀸𑀢𑀗𑁆𑀓𑀦𑁆𑀢𑀺 𑀏𑀢𑁆𑀣 𑀭𑁄𑀕𑁄𑀯 𑀓𑀺𑀘𑁆𑀙𑀸𑀚𑀻𑀯𑀺𑀢𑀪𑀸𑀯𑀓𑀭𑀡𑁂𑀦 𑀆𑀢𑀗𑁆𑀓𑁄𑀢𑀺 𑀯𑁂𑀤𑀺𑀢𑀩𑁆𑀩𑁄.