(𑁮) 𑀢𑀺𑀲𑁆𑀲𑁄 𑀢𑀡𑁆𑀳𑀸

𑁯𑁧𑁬. 𑀢𑀢𑁆𑀣 𑀓𑀢𑀫𑀸 𑀢𑀺𑀲𑁆𑀲𑁄 𑀢𑀡𑁆𑀳𑀸? 𑀓𑀸𑀫𑀢𑀡𑁆𑀳𑀸, 𑀪𑀯𑀢𑀡𑁆𑀳𑀸, 𑀯𑀺𑀪𑀯𑀢𑀡𑁆𑀳𑀸.

𑀢𑀢𑁆𑀣 𑀓𑀢𑀫𑀸 𑀪𑀯𑀢𑀡𑁆𑀳𑀸? 𑀪𑀯𑀤𑀺𑀝𑁆𑀞𑀺𑀲𑀳𑀕𑀢𑁄 𑀭𑀸𑀕𑁄 𑀲𑀸𑀭𑀸𑀕𑁄 𑀘𑀺𑀢𑁆𑀢𑀲𑁆𑀲 𑀲𑀸𑀭𑀸𑀕𑁄 𑁋 𑀅𑀬𑀁 𑀯𑀼𑀘𑁆𑀘𑀢𑀺 ‘‘𑀪𑀯𑀢𑀡𑁆𑀳𑀸’’.

𑀢𑀢𑁆𑀣 𑀓𑀢𑀫𑀸 𑀯𑀺𑀪𑀯𑀢𑀡𑁆𑀳𑀸? 𑀉𑀘𑁆𑀙𑁂𑀤𑀤𑀺𑀝𑁆𑀞𑀺𑀲𑀳𑀕𑀢𑁄 𑀭𑀸𑀕𑁄 𑀲𑀸𑀭𑀸𑀕𑁄 𑀘𑀺𑀢𑁆𑀢𑀲𑁆𑀲 𑀲𑀸𑀭𑀸𑀕𑁄 𑁋 𑀅𑀬𑀁 𑀯𑀼𑀘𑁆𑀘𑀢𑀺 ‘‘𑀯𑀺𑀪𑀯𑀢𑀡𑁆𑀳𑀸’’. 𑀅𑀯𑀲𑁂𑀲𑀸 𑀢𑀡𑁆𑀳𑀸 𑀓𑀸𑀫𑀢𑀡𑁆𑀳𑀸.

𑀢𑀢𑁆𑀣 𑀓𑀢𑀫𑀸 𑀓𑀸𑀫𑀢𑀡𑁆𑀳𑀸? 𑀓𑀸𑀫𑀥𑀸𑀢𑀼𑀧𑀝𑀺𑀲𑀁𑀬𑀼𑀢𑁆𑀢𑁄 𑀭𑀸𑀕𑁄 𑀲𑀸𑀭𑀸𑀕𑁄 𑀘𑀺𑀢𑁆𑀢𑀲𑁆𑀲 𑀲𑀸𑀭𑀸𑀕𑁄 𑁋 𑀅𑀬𑀁 𑀯𑀼𑀘𑁆𑀘𑀢𑀺 ‘‘𑀓𑀸𑀫𑀢𑀡𑁆𑀳𑀸’’.

( ) [(𑀢𑀢𑁆𑀣 𑀓𑀢𑀫𑀸 𑀪𑀯𑀢𑀡𑁆𑀳𑀸)] 𑀭𑀽𑀧𑀥𑀸𑀢𑀼𑀅𑀭𑀽𑀧𑀥𑀸𑀢𑀼𑀧𑀝𑀺𑀲𑀁𑀬𑀼𑀢𑁆𑀢𑁄 𑀭𑀸𑀕𑁄 𑀲𑀸𑀭𑀸𑀕𑁄 𑀘𑀺𑀢𑁆𑀢𑀲𑁆𑀲 𑀲𑀸𑀭𑀸𑀕𑁄 𑁋 𑀅𑀬𑀁 𑀯𑀼𑀘𑁆𑀘𑀢𑀺 ‘‘𑀪𑀯𑀢𑀡𑁆𑀳𑀸’’.

( ) [(𑀢𑀢𑁆𑀣 𑀓𑀢𑀫𑀸 𑀯𑀺𑀪𑀯𑀢𑀡𑁆𑀳𑀸) (?)] 𑀉𑀘𑁆𑀙𑁂𑀤𑀤𑀺𑀝𑁆𑀞𑀺𑀲𑀳𑀕𑀢𑁄 𑀭𑀸𑀕𑁄 𑀲𑀸𑀭𑀸𑀕𑁄 𑀘𑀺𑀢𑁆𑀢𑀲𑁆𑀲 𑀲𑀸𑀭𑀸𑀕𑁄 𑁋 𑀅𑀬𑀁 𑀯𑀼𑀘𑁆𑀘𑀢𑀺 ‘‘𑀯𑀺𑀪𑀯𑀢𑀡𑁆𑀳𑀸’’. 𑀇𑀫𑀸 𑀢𑀺𑀲𑁆𑀲𑁄 𑀢𑀡𑁆𑀳𑀸.