𑁧𑁬𑁫. 𑀢𑀼𑀁+𑀬𑀸𑀦𑀸

𑀢𑁆𑀯𑀸𑀲𑁆𑀲 𑀯𑀸 𑀢𑀼𑀁+𑀬𑀸𑀦𑀸 𑀳𑁄𑀦𑁆𑀢𑀺 𑀲𑀫𑀸𑀲𑁂 𑀓𑁆𑀯𑀘𑀺. 𑀅𑀪𑀺𑀳𑀭𑀡𑀁 𑀓𑀢𑁆𑀯𑀸 𑀅𑀪𑀺𑀳𑀝𑁆𑀞𑀼𑀁, 𑀅𑀪𑀺𑀳𑀭𑀺𑀢𑁆𑀯𑀸, 𑀧𑀸𑀤𑀺𑀲𑀫𑀸𑀲𑁄, ‘‘𑀧𑀼𑀘𑁆𑀙𑀸𑀤𑀺𑀢𑁄’’𑀢𑀺 𑀢𑀲𑁆𑀲 𑀞𑁄 𑀧𑀭𑀭𑀽𑀧𑀸𑀤𑀺 𑀘. 𑀅𑀦𑀼𑀫𑁄𑀤𑀦𑀁 𑀓𑀢𑁆𑀯𑀸 𑀅𑀦𑀼𑀫𑁄𑀤𑀺𑀬𑀸𑀦 𑀅𑀦𑀼𑀫𑁄𑀤𑀺𑀢𑁆𑀯𑀸 𑀯𑀸, 𑀓𑀸𑀦𑀼𑀩𑀦𑁆𑀥𑁂𑀧𑀺 ‘‘𑀯𑀸 𑀓𑁆𑀯𑀘𑀻’’𑀢𑀺 𑀯𑀺𑀓𑀧𑁆𑀧𑀢𑁆𑀢𑀸 ‘‘𑀮𑀳𑀼𑀲𑁆𑀲𑀼𑀧𑀦𑁆𑀢𑀲𑁆𑀲𑀸’’𑀢𑀺 𑀑𑀓𑀸𑀭𑁄. 𑀓𑁆𑀯𑀘𑀸+𑀲𑀫𑀸𑀲𑁂𑀧𑀺 𑀩𑀳𑀼𑀮𑀸𑀥𑀺𑀓𑀸𑀭𑀸, 𑀤𑀝𑁆𑀞𑀼𑀁, 𑀤𑀺𑀲𑀢𑁄 𑀢𑁆𑀯𑀸𑀲𑁆𑀲 𑀢𑀼𑀫𑀸𑀤𑁂𑀲𑁂 𑀤𑀺𑀲𑀲𑁆𑀲 𑀤𑀲. 𑀅𑀜𑁆𑀜𑀢𑁆𑀭 ‘‘𑀤𑀺𑀲𑀸 𑀯𑀸𑀦+𑀯𑀸 𑀲 𑀘𑀸’’𑀢𑀺 𑀢𑁆𑀯𑀸𑀲𑁆𑀲 𑀯𑀸𑀦+𑀯𑀸 𑀲 𑀳𑁄𑀦𑁆𑀢𑀺, 𑀤𑀺𑀲𑁆𑀯𑀸. 𑀏𑀯𑀁 𑀮𑀪𑀦𑀁 𑀓𑀢𑁆𑀯𑀸 𑀮𑀤𑁆𑀥𑀸 𑀥𑀦𑀁𑀢𑀺𑀆𑀤𑀻𑀲𑀼 𑀢𑀲𑁆𑀲 𑀥𑁄 𑀪𑀯𑀢𑀺.

𑀇𑀢𑀺 𑀧𑀬𑁄𑀕𑀲𑀺𑀤𑁆𑀥𑀺𑀬𑀁 𑀔𑀸𑀤𑀺𑀓𑀡𑁆𑀟𑁄 𑀲𑀢𑁆𑀢𑀫𑁄.