𑁬𑁯. 𑀲𑀩𑁆𑀩𑀸𑀤𑀬𑁄 𑀯𑀼𑀢𑁆𑀢𑀺𑀫𑀢𑁆𑀢𑁂𑀢𑀺

𑀇𑀢𑁆𑀣𑀺𑀯𑀸𑀘𑀓𑀸 𑀲𑀩𑁆𑀩𑀸𑀤𑀬𑁄 𑀯𑀼𑀢𑁆𑀢𑀺𑀫𑀢𑁆𑀢𑁂 𑀧𑀼𑀫𑁂𑀯 𑀳𑁄𑀦𑁆𑀢𑀺. 𑀏𑀯𑀁 𑀧𑀼𑀩𑁆𑀩𑀼𑀢𑁆𑀢𑀭𑀸, 𑀅𑀧𑀭𑀤𑀓𑁆𑀔𑀺𑀡𑀸, 𑀧𑀘𑁆𑀙𑀺𑀫𑀼𑀢𑁆𑀢𑀭𑀸. 𑀧𑀼𑀩𑁆𑀩𑀸 𑀘 𑀲𑀸 𑀤𑀓𑁆𑀔𑀺𑀡𑀸 𑀘𑁂𑀢𑀺 𑀯𑀸.

𑁯. 𑀩𑁆𑀬𑀢𑀺𑀳𑀸𑀭𑀮𑀓𑁆𑀔𑀡𑁄 𑀬𑀣𑀸 𑁋 ‘‘𑀢𑀢𑁆𑀣 𑀕𑀳𑁂𑀢𑁆𑀯𑀸 𑀢𑁂𑀦 𑀧𑀳𑀭𑀺𑀢𑁆𑀯𑀸 𑀬𑀼𑀤𑁆𑀥𑁂 𑀲𑀭𑀽𑀧𑀁’’𑀢𑀺 𑀲𑀼𑀢𑁆𑀢𑁂𑀦 𑀲𑀫𑀸𑀲𑁂 𑀓𑀢𑁂 𑀓𑁂𑀲𑁂𑀲𑀼 𑀘 𑀓𑁂𑀲𑁂𑀲𑀼 𑀘 𑀕𑀳𑁂𑀢𑁆𑀯𑀸 𑀬𑀼𑀤𑁆𑀥𑀁 𑀧𑀯𑀢𑁆𑀢𑀁 𑀓𑁂𑀲𑀸𑀓𑁂𑀲𑀻, 𑀤𑀡𑁆𑀟𑁂𑀳𑀺 𑀘 𑀤𑀡𑁆𑀟𑁂𑀳𑀺 𑀘 𑀧𑀳𑀭𑀺𑀢𑁆𑀯𑀸 𑀬𑀼𑀤𑁆𑀥𑀁 𑀧𑀯𑀢𑁆𑀢𑀁 𑀤𑀡𑁆𑀟𑀸𑀤𑀡𑁆𑀟𑀻𑀢𑀺 𑀳𑁄𑀢𑀺. 𑀏𑀢𑁆𑀣 𑀘 ‘‘𑀘𑀻 𑀯𑀻𑀢𑀺𑀳𑀸𑀭𑁂’’𑀢𑀺 𑀘𑀻𑀧𑀘𑁆𑀘𑀬𑁂 ‘‘𑀘𑀺𑀲𑁆𑀫𑀺𑀁’’𑀢𑀺 𑀆𑀓𑀸𑀭𑁄, 𑀏𑀯𑀁 𑀫𑀼𑀝𑁆𑀞𑀸𑀫𑀼𑀝𑁆𑀞𑀻.

𑀲𑁄𑀪𑀡𑁄 𑀕𑀦𑁆𑀥𑁄 𑀲𑀼𑀕𑀦𑁆𑀥𑁄, 𑀲𑁄 𑀅𑀲𑁆𑀲 𑀅𑀢𑁆𑀣𑀻𑀢𑀺 𑀲𑀼𑀕𑀦𑁆𑀥𑀻𑀳𑀺 𑀅𑀢𑁆𑀣𑀺𑀅𑀢𑁆𑀣𑁂 𑀈𑀧𑀘𑁆𑀘𑀬𑁂𑀦 𑀲𑀺𑀤𑁆𑀥𑀁. 𑀬𑀲𑁆𑀫𑀸 𑀘 𑀪𑀤𑁆𑀤𑀸𑀬 𑀓𑀸𑀧𑀺𑀮𑀸𑀦𑀺𑀬𑀸 𑀅𑀧𑀤𑀸𑀦𑁂 ‘‘𑀧𑀼𑀦𑁄 𑀧𑀢𑁆𑀢𑀁 𑀕𑀳𑁂𑀢𑁆𑀯𑀸𑀦, 𑀲𑁄𑀥𑀬𑀺𑀢𑁆𑀯𑀸 𑀲𑀼𑀕𑀦𑁆𑀥𑀺𑀦𑀸’’𑀢𑀺 𑀯𑀼𑀢𑁆𑀢𑀁, 𑀢𑀲𑁆𑀫𑀸 𑀯𑀼𑀢𑁆𑀢𑀺𑀬𑀁 𑀇𑀓𑀸𑀭𑀦𑁆𑀢𑀲𑁆𑀲 𑀅𑀪𑀸𑀯𑀤𑀻𑀧𑀦𑀢𑁆𑀣𑀁 ‘‘𑀲𑀼𑀕𑀦𑁆𑀥𑀺 𑀤𑀼𑀕𑁆𑀕𑀦𑁆𑀥𑀻𑀢𑀺 𑀧𑀬𑁄𑀕𑀸 𑀦 𑀤𑀺𑀲𑁆𑀲𑀢𑀻’’𑀢𑀺 𑀯𑀼𑀢𑁆𑀢𑀁. 𑀲𑀼𑀕𑀦𑁆𑀥𑀺𑀦𑀸𑀢𑀺 𑀏𑀓𑀯𑀘𑀦𑁂 𑀭𑀲𑁆𑀲𑁄.