𑁩𑁪. 𑀬𑀩𑁆𑀪𑀸𑀯𑁄 𑀪𑀸𑀯𑀮𑀓𑁆𑀔𑀡𑀁

𑀬𑀲𑁆𑀲 𑀪𑀸𑀯𑁄 𑀪𑀸𑀯𑀦𑁆𑀢𑀭𑀲𑁆𑀲 𑀮𑀓𑁆𑀔𑀡𑀁 𑀪𑀯𑀢𑀺, 𑀢𑀢𑁄 𑀲𑀢𑁆𑀢𑀫𑀻. 𑀓𑀸𑀮𑁂 𑀕𑀸𑀯𑀻𑀲𑀼 𑀤𑀼𑀬𑁆𑀳𑀫𑀸𑀦𑀸𑀲𑀼𑀕𑀢𑁄, 𑀤𑀼𑀤𑁆𑀥𑀸𑀲𑀼 𑀆𑀕𑀢𑁄. 𑀏𑀢𑁆𑀣𑀕𑀫𑀦𑀓𑁆𑀭𑀺𑀬𑀸𑀬 𑀤𑁄𑀳𑀦𑀓𑁆𑀭𑀺𑀬𑀸𑀘𑀺𑀳𑀦𑀁, 𑀆𑀕𑀫𑀦𑀓𑁆𑀭𑀺𑀬𑀸𑀬 𑀤𑀼𑀤𑁆𑀥𑀸𑀓𑁆𑀭𑀺𑀬𑀸𑀘𑀺𑀳𑀦𑀁, 𑀏𑀯+𑀫𑀼𑀧𑀭𑀺𑀧𑀺. 𑀧𑀼𑀩𑁆𑀩𑀡𑁆𑀳𑀲𑀫𑀬𑁂 𑀕𑀢𑁄, 𑀲𑀸𑀬𑀦𑁆𑀳𑀲𑀫𑀬𑁂 𑀆𑀕𑀢𑁄, 𑀚𑀸𑀬𑀫𑀸𑀦𑁂 𑀔𑁄 𑀲𑀸𑀭𑀺𑀧𑀼𑀢𑁆𑀢 𑀩𑁄𑀥𑀺𑀲𑀢𑁆𑀢𑁂 𑀅𑀬𑀁 𑀤𑀲𑀲𑀳𑀲𑁆𑀲𑀻 𑀮𑁄𑀓𑀥𑀸𑀢𑀼 𑀲𑀫𑁆𑀧𑀓𑀫𑁆𑀧𑀺.

𑀧𑀸𑀲𑀸𑀡𑀸 𑀲𑀓𑁆𑀔𑀭𑀸 𑀘𑁂𑀯, 𑀓𑀞𑀮𑀸 𑀔𑀸𑀡𑀼𑀓𑀡𑁆𑀝𑀓𑀸;

𑀲𑀩𑁆𑀩𑁂 𑀫𑀕𑁆𑀕𑀸 𑀯𑀺𑀯𑀚𑁆𑀚𑀦𑁆𑀢𑀺, 𑀕𑀘𑁆𑀙𑀦𑁆𑀢𑁂 𑀮𑁄𑀓𑀦𑀸𑀬𑀓𑁂.

𑀇𑀫𑀲𑁆𑀫𑀺𑀁 𑀲𑀢𑀺 𑀇𑀤𑀁 𑀳𑁄𑀢𑀺 𑀇𑀘𑁆𑀘𑀸𑀤𑀺. ‘‘𑀅𑀓𑀸𑀮𑁂 𑀯𑀲𑁆𑀲𑀢𑀻 𑀢𑀲𑁆𑀲, 𑀓𑀸𑀮𑁂 𑀢𑀲𑁆𑀲 𑀦 𑀯𑀲𑁆𑀲𑀢𑀻’’𑀢𑀺 𑀯𑀺𑀲𑀬𑀲𑀢𑁆𑀢𑀫𑀻.