𑁩,𑁯𑁪. 𑀆 𑀲𑀁𑀔𑁆𑀬𑀸𑀬𑀸 𑀲𑀢𑀸𑀤𑁄 𑀦𑀸𑀜𑁆𑀜𑀢𑁆𑀣𑁂

𑀲𑀁𑀔𑁆𑀬𑀸𑀬+𑀫𑀼𑀢𑁆𑀢𑀭𑀧𑀤𑁂 𑀤𑁆𑀯𑀺𑀲𑁆𑀲𑀸 𑀳𑁄𑀢𑀺 𑀅𑀲𑀢𑀸𑀤𑁄 𑀦𑀸𑀜𑁆𑀜𑀢𑁆𑀣𑁂.

𑀆𑀯𑀺𑀝𑁆𑀞𑀮𑀺𑀗𑁆𑀕𑀢𑁆𑀢𑀸 𑀲𑀁𑀔𑁆𑀬𑀸𑀬𑀁 𑀉𑀢𑁆𑀢𑀭𑀧𑀤𑁂 𑀲𑀮𑀺𑀗𑁆𑀕𑁂𑀦𑁂𑀯 𑀯𑀺𑀲𑁂𑀲𑀦𑀁 𑀪𑀯𑀢𑀺.

𑀲𑀼𑀤𑁆𑀥𑀁 𑀫𑀺𑀲𑁆𑀲𑀜𑁆𑀘 𑀲𑀁𑀓𑀺𑀡𑁆𑀡𑀁, 𑀉𑀧𑀲𑀚𑁆𑀚𑀦𑀫𑁂𑀯 𑀘;

𑀆𑀯𑀺𑀝𑁆𑀞+𑀫𑀣 𑀯𑀸+𑀩𑁆𑀬𑀢𑁆𑀢𑀁, 𑀙𑀥𑀸 𑀮𑀺𑀗𑁆𑀕𑀁 𑀯𑀺𑀯𑀁𑀬𑀢𑁂.

𑀏𑀢𑁆𑀣 𑀬𑀣𑀸𑀓𑁆𑀓𑀫𑀁 𑀭𑀼𑀓𑁆𑀔𑁄 𑀮𑀢𑀸 𑀧𑀡𑁆𑀡𑀁𑀢𑀺 𑀲𑀼𑀤𑁆𑀥𑀁. 𑀖𑀝𑁄 𑀖𑀝𑀻, 𑀯𑀚𑀺𑀭𑁄 𑀯𑀚𑀺𑀭𑀁, 𑀯𑁂𑀤𑀦𑀸 𑀯𑁂𑀤𑀦𑀁𑀢𑀺 𑀫𑀺𑀲𑁆𑀲𑀁. 𑀢𑀝𑁄 𑀢𑀝𑀻 𑀢𑀝𑀁𑀢𑀺 𑀲𑀁𑀓𑀺𑀡𑁆𑀡𑀁. 𑀲𑀼𑀓𑁆𑀓𑁄 𑀧𑀝𑁄, 𑀲𑀼𑀓𑁆𑀓𑀸 𑀧𑀝𑀺, 𑀲𑀼𑀓𑁆𑀓𑀁 𑀯𑀢𑁆𑀣𑀁𑀢𑀺 𑀉𑀧𑀲𑀚𑁆𑀚𑀦𑀁. 𑀭𑀸𑀚𑀸 𑀲𑀭𑀡𑀁, 𑀕𑀼𑀡𑁄 𑀧𑀫𑀸𑀡𑀁𑀢𑀺 𑀆𑀯𑀺𑀝𑁆𑀞𑀁. 𑀢𑀼𑀯𑀁 𑀅𑀳𑀁 𑀓𑀢𑀺 𑀧𑀜𑁆𑀘𑀸𑀢𑀺 𑀅𑀩𑁆𑀬𑀢𑁆𑀢𑀁. 𑀇𑀢𑀺 𑀮𑀺𑀗𑁆𑀕𑀁 𑀯𑁂𑀤𑀺𑀢𑀩𑁆𑀩𑀁. 𑀤𑁆𑀯𑀸𑀤𑀲.