𑁯𑁦. 𑀧𑀜𑁆𑀘𑀸𑀤𑀻𑀦𑀁 𑀘𑀼𑀤𑁆𑀤𑀲𑀦𑁆𑀦+𑀫

𑀧𑀜𑁆𑀘𑀸𑀤𑀻𑀦𑀁 𑀘𑀼𑀤𑁆𑀤𑀲𑀦𑁆𑀦𑀁 𑀲𑀼𑀦𑀁𑀳𑀺𑀲𑁆𑀯 𑀳𑁄𑀢𑀺. 𑀏𑀢𑁆𑀢+𑀤𑀻𑀖𑀸𑀧𑀯𑀸𑀤𑁄+𑀬𑀁. 𑀅𑀧𑀯𑀸𑀤𑀢𑀺 𑀩𑀸𑀥𑁂𑀢𑀻𑀢𑀺 𑀅𑀧𑀯𑀸𑀤𑁄. 𑀢𑀲𑁆𑀫𑀸 ‘‘𑀧𑀓𑀧𑁆𑀬𑀸𑀧𑀯𑀸𑀤𑀯𑀺𑀲𑀬𑀫𑀼𑀲𑁆𑀲𑀕𑁆𑀕𑀸 𑀅𑀪𑀺𑀦𑀺𑀯𑀺𑀲𑀦𑁆𑀢𑁂’’𑀢𑀺 𑀜𑀸𑀬𑀸 ‘‘𑀲𑀼𑀳𑀺𑀲𑁆𑀯+𑀲𑁆𑀲𑁂’’ ‘‘𑀲𑀼𑀦𑀁𑀳𑀺𑀲𑀼’’𑀢𑀺 𑀘 𑀉𑀲𑁆𑀲𑀕𑁆𑀕𑀸 ‘‘𑀧𑀜𑁆𑀘𑀸𑀤𑀻𑀦𑀁 𑀘𑀼𑀤𑁆𑀤𑀲𑀦𑁆𑀦+𑀫’’ 𑀇𑀢𑀺 𑀅𑀧𑀯𑀸𑀤𑀯𑀺𑀲𑀬𑀁 𑀦 𑀧𑀯𑀺𑀲𑀦𑁆𑀢𑀺, 𑀲𑀸𑀫𑀜𑁆𑀜𑀢𑁆𑀢𑀸. 𑀏𑀯+𑀫𑀼𑀧𑀭𑀺𑀧𑀺 ‘‘𑀧𑀜𑁆𑀘𑀫𑀺𑀬𑀁 𑀧𑀭𑀲𑁆𑀲’’ ‘‘𑀆𑀤𑀺𑀲𑁆𑀲𑀸’’𑀢𑀺. 𑀧𑀜𑁆𑀘𑀳𑀺 𑀧𑀜𑁆𑀘𑀪𑀺 𑀧𑀜𑁆𑀘𑀦𑁆𑀦𑀁. 𑀧𑀜𑁆𑀘𑀦𑁆𑀦𑀁. 𑀧𑀜𑁆𑀘𑀲𑀼. 𑀏𑀯𑀁 𑀙𑀸𑀤𑀬𑁄 𑀅𑀝𑁆𑀞𑀸𑀭𑀲𑀦𑁆𑀢𑀸.

‘‘𑀘𑀢𑁆𑀣𑁂’’𑀢𑀺 𑀏𑀓𑁄 𑀘 𑀤𑀲 𑀘𑀸𑀢𑀺 𑀘𑀢𑁆𑀢𑀲𑀫𑀸𑀲𑁂 ‘‘𑀅𑀫𑀸𑀤𑀻’’𑀢𑀺 𑀏𑀓𑁂𑀦 𑀅𑀥𑀺𑀓𑀸 𑀤𑀲𑀸𑀢𑀺 𑀢𑀢𑀺𑀬𑀸𑀲𑀫𑀸𑀲𑁂 𑀯𑀸 𑀓𑀢𑁂 ‘‘𑀏𑀓𑀢𑁆𑀣𑀢𑀸𑀬’’𑀦𑁆𑀢𑀺 𑀯𑀺𑀪𑀢𑁆𑀢𑀺𑀮𑁄𑀧𑁄. 𑀏𑀯+𑀫𑀼𑀧𑀭𑀺 𑀘.