𑁫𑁩. 𑀲𑀁𑀬𑁄𑀕𑀸𑀤𑀺𑀮𑁄𑀧𑁄

𑀅𑀩𑁆𑀬𑀯𑀳𑀺𑀢𑀸𑀦𑀁 𑀤𑁆𑀯𑀺𑀦𑁆𑀦𑀁 𑀩𑁆𑀬𑀜𑁆𑀚𑀦𑀸𑀦𑀁 𑀏𑀓𑀢𑁆𑀭 𑀞𑀺𑀢𑀺 𑀲𑀁𑀬𑁄𑀕𑁄, 𑀢𑀲𑁆𑀫𑀺𑀁 𑀲𑀁𑀬𑁄𑀕𑁂 𑀬𑁄 𑀆𑀤𑀺𑀪𑀽𑀢𑀸𑀯𑀬𑀯𑁄, 𑀢𑀲𑁆𑀲 𑀯𑀸 𑀓𑁆𑀯𑀘𑀺 𑀮𑁄𑀧𑁄 𑀳𑁄𑀢𑀻𑀢𑀺𑀆𑀤𑀺𑀩𑁆𑀬𑀜𑁆𑀚𑀦𑀲𑁆𑀲 𑀮𑁄𑀧𑁄. 𑀧𑀼𑀧𑁆𑀨𑀁𑀲𑀸 𑀉𑀧𑁆𑀧𑀚𑁆𑀚𑀢𑀺, 𑀏𑀯𑀁𑀲 𑀢𑁂 𑀆𑀲𑀯𑀸. 𑀢𑀺𑀡𑁆𑀡𑀁 𑀲𑀁𑀬𑁄𑀕𑀸𑀦𑀁 𑀯𑀺𑀲𑀬𑁂 𑀅𑀕𑁆𑀬𑀸𑀕𑀸𑀭𑀁, 𑀯𑀼𑀢𑁆𑀬𑀲𑁆𑀲 𑀇𑀢𑀺 𑀳𑁄𑀢𑀺.

𑀢𑀁 𑀓𑀭𑁄𑀢𑀺, 𑀢𑀁 𑀔𑀡𑀁, 𑀲𑀁 𑀕𑀢𑁄, 𑀢𑀁 𑀖𑀢𑀁, 𑀥𑀫𑁆𑀫𑀁 𑀘𑀭𑁂, 𑀢𑀁 𑀙𑀦𑁆𑀦𑀁, 𑀢𑀁 𑀚𑀸𑀢𑀁, 𑀢𑀁 𑀛𑀸𑀦𑀁, 𑀢𑀁 𑀜𑀸𑀡𑀁, 𑀢𑀁 𑀞𑀸𑀦𑀁, 𑀢𑀁 𑀟𑀳𑀢𑀺, 𑀢𑀁 𑀢𑀦𑁄𑀢𑀺, 𑀢𑀁 𑀣𑀺𑀭𑀁, 𑀢𑀁 𑀤𑀸𑀦𑀁, 𑀢𑀁 𑀥𑀦𑀁, 𑀢𑀁 𑀦𑀺𑀘𑁆𑀘𑀼𑀢𑀁, 𑀢𑀁 𑀧𑀢𑁆𑀢𑁄, 𑀢𑀁 𑀨𑀮𑀁, 𑀢𑁂𑀲𑀁 𑀩𑁄𑀥𑁄, 𑀲𑀁 𑀪𑀽𑀢𑁄, 𑀢𑀁 𑀫𑀺𑀢𑁆𑀢𑀁, 𑀓𑀺𑀁 𑀓𑀢𑁄, 𑀤𑀸𑀢𑀼𑀁 𑀕𑀢𑁄 𑀇𑀢𑀻+𑀥 𑁋