𑁪𑁧. 𑀯𑀕𑁆𑀕𑁂 𑀯𑀕𑁆𑀕𑀦𑁆𑀢𑁄

𑀦𑀺𑀕𑁆𑀕𑀳𑀻𑀢𑀲𑁆𑀲 𑀔𑁄 𑀯𑀕𑁆𑀕𑁂 𑀯𑀕𑁆𑀕𑀦𑁆𑀢𑁄 𑀯𑀸 𑀳𑁄𑀢𑀻𑀢𑀺 𑀦𑀺𑀫𑀺𑀢𑁆𑀢𑀸𑀦𑀼𑀲𑁆𑀲𑀭𑀸𑀦𑀁 𑀧𑀘𑁆𑀘𑀸𑀲𑀢𑁆𑀬𑀸 𑀢𑀩𑁆𑀩𑀕𑁆𑀕𑀧𑀜𑁆𑀘𑀫𑁄 𑀳𑁄𑀢𑀺. 𑀧𑀘𑁆𑀘𑀸𑀲𑀢𑁆𑀢𑀺 𑀦𑀸𑀫 𑀞𑀸𑀦𑀢𑁄 𑀆𑀲𑀦𑁆𑀦𑀢𑀸 𑀕𑀼𑀡𑀢𑁄 𑀯𑀸, 𑀕𑀼𑀡𑀢𑁄𑀢𑀺 𑀯𑀡𑁆𑀡𑀲𑀜𑁆𑀜𑀸𑀤𑀺𑀕𑀼𑀡𑀢𑁄. 𑀦𑀺𑀕𑁆𑀕𑀳𑀻𑀢𑀲𑁆𑀲 𑀅𑀦𑀼𑀲𑀭𑀻𑀬𑀢𑀻𑀢𑀺 𑀧𑀘𑁆𑀙𑀸 𑀓𑀢𑁆𑀯𑀸 𑀲𑀭𑀻𑀬𑀢𑀻𑀢𑀺 𑀅𑀦𑀼𑀲𑁆𑀲𑀭𑁄𑀢𑀺𑀧𑀺 𑀯𑀼𑀘𑁆𑀘𑀢𑀺. 𑀢𑀗𑁆𑀓𑀭𑁄𑀢𑀺=𑀢𑀁 𑀓𑀭𑁄𑀢𑀺, 𑀏𑀯𑀁 𑀢𑀗𑁆𑀔𑀡𑀁, 𑀲𑀗𑁆𑀕𑀢𑁄, 𑀢𑀗𑁆𑀖𑀢𑀁. 𑀥𑀫𑁆𑀫𑀜𑁆𑀘𑀭𑁂, 𑀢𑀜𑁆𑀙𑀦𑁆𑀦𑀁, 𑀢𑀜𑁆𑀚𑀸𑀢𑀁, 𑀢𑀜𑁆𑀛𑀸𑀦𑀁, 𑀢𑀜𑁆𑀜𑀸𑀡𑀁. 𑀢𑀡𑁆𑀞𑀸𑀦𑀁, 𑀢𑀡𑁆𑀟𑀳𑀢𑀺. 𑀢𑀦𑁆𑀢𑀦𑁄𑀢𑀺, 𑀢𑀦𑁆𑀣𑀺𑀭𑀁, 𑀢𑀦𑁆𑀤𑀸𑀦𑀁, 𑀢𑀦𑁆𑀥𑀦𑀁, 𑀢𑀦𑁆𑀦𑀺𑀘𑁆𑀘𑀼𑀢𑀁, 𑀢𑀫𑁆𑀧𑀢𑁆𑀢𑁄, 𑀢𑀫𑁆𑀨𑀮𑀁, 𑀢𑁂𑀲𑀫𑁆𑀫𑁄𑀥𑁄, 𑀲𑀫𑁆𑀪𑀽𑀢𑁄, 𑀢𑀫𑁆𑀫𑀺𑀢𑁆𑀢𑀁. 𑀓𑀺𑀗𑁆𑀓𑀢𑁄, 𑀤𑀸𑀢𑀼𑀗𑁆𑀕𑀢𑁄, 𑀢𑀡𑁆𑀳𑀗𑁆𑀓𑀭𑁄, 𑀭𑀡𑀜𑁆𑀚𑀳𑁄, 𑀲𑀡𑁆𑀞𑀺𑀢𑁄, 𑀚𑀼𑀢𑀺𑀦𑁆𑀥𑀭𑁄, 𑀲𑀫𑁆𑀫𑀢𑁄𑀢𑀺𑀆𑀤𑀻𑀲𑀼 𑀦𑀺𑀘𑁆𑀘𑀁.

𑀆𑀦𑀦𑁆𑀢𑀭𑀺𑀓𑀁 𑀬+𑀫𑀸𑀳𑀼, 𑀬𑀁 𑀬𑀤𑁂𑀯, 𑀧𑀘𑁆𑀘𑀢𑁆𑀢𑀁 𑀏𑀯, 𑀢𑀁 𑀳𑀺𑀇𑀢𑀻+𑀥 𑁋