𑁬. 𑀅𑀭𑀜𑁆𑀜𑀸𑀤𑀺𑀯𑀕𑁆𑀕

𑁬𑁦𑁫. 𑀧𑀩𑁆𑀩𑀢𑁄 𑀕𑀺𑀭𑀺 𑀲𑁂𑀮𑁄’𑀤𑁆𑀤𑀺, 𑀦𑀕𑀸’𑀘𑀮, 𑀲𑀺𑀮𑀼𑀘𑁆𑀘𑀬𑀸;

𑀲𑀺𑀔𑀭𑀻 𑀪𑀽𑀥𑀭𑁄𑀣 𑀩𑁆𑀪, 𑀧𑀸𑀲𑀸𑀡𑀸’𑀲𑁆𑀫𑁄’𑀧𑀮𑁄 𑀲𑀺𑀮𑀸.

𑁬𑁦𑁬. 𑀕𑀺𑀚𑁆𑀛𑀓𑀽𑀝𑁄 𑀘 𑀯𑁂𑀪𑀸𑀭𑁄, 𑀯𑁂𑀧𑀼𑀮𑁆𑀮𑁄’𑀲𑀺𑀕𑀺𑀮𑀻 𑀦𑀕𑀸;

𑀯𑀺𑀜𑁆𑀛𑁄 𑀧𑀡𑁆𑀟𑀯 𑀯𑀗𑁆𑀓𑀸𑀤𑀻, 𑀧𑀼𑀩𑁆𑀩𑀲𑁂𑀮𑁄 𑀢𑀼 𑀘𑁄’𑀤𑀬𑁄;

𑀫𑀦𑁆𑀤𑀭𑁄 𑀧𑀭𑀲𑁂𑀮𑁄’𑀢𑁆𑀣𑁄, 𑀳𑀺𑀫𑀯𑀸 𑀢𑀼 𑀳𑀺𑀫𑀸𑀘𑀮𑁄.

𑁬𑁦𑁭. 𑀕𑀦𑁆𑀥𑀫𑀸𑀤𑀦 𑀓𑁂𑀮𑀸𑀲, 𑀘𑀺𑀢𑁆𑀢𑀓𑀽𑀝 𑀲𑀼𑀤𑀲𑁆𑀲𑀦𑀸;

𑀓𑀸𑀮𑀓𑀽𑀝𑁄 𑀢𑀺𑀓𑀽𑀝𑀸’𑀲𑁆𑀲, 𑀧𑀢𑁆𑀣𑁄 𑀢𑀼 𑀲𑀸𑀦𑀼 𑀦𑀺𑀢𑁆𑀣𑀺𑀬𑀁.

𑁬𑁦𑁮. 𑀓𑀽𑀝𑁄 𑀯𑀸 𑀲𑀺𑀔𑀭𑀁 𑀲𑀺𑀗𑁆𑀕𑀁, 𑀧𑀧𑀸𑀢𑁄 𑀢𑀼 𑀢𑀝𑁄 𑀪𑀯𑁂;

𑀦𑀺𑀢𑀫𑁆𑀩𑁄 𑀓𑀝𑀓𑁄 𑀦𑀺𑀢𑁆𑀣𑀻, 𑀦𑀺𑀚𑁆𑀛𑀭𑁄 𑀧𑀲𑀯𑁄’𑀫𑁆𑀩𑀼𑀦𑁄.

𑁬𑁦𑁯. 𑀤𑀭𑀻’𑀢𑁆𑀣𑀻 𑀓𑀦𑁆𑀤𑀭𑁄 𑀤𑁆𑀯𑀻𑀲𑀼, 𑀮𑁂𑀡𑀁 𑀢𑀼 𑀕𑀩𑁆𑀪𑀭𑀁 𑀕𑀼𑀳𑀸;

𑀲𑀺𑀮𑀸𑀧𑁄𑀓𑁆𑀔𑀭𑀡𑀻 𑀲𑁄𑀡𑁆𑀟𑀻, 𑀓𑀼𑀜𑁆𑀚𑀁 𑀦𑀺𑀓𑀼𑀜𑁆𑀚 𑀫𑀺𑀢𑁆𑀣𑀺 𑀦.

𑁬𑁧𑁦. 𑀉𑀤𑁆𑀥 𑀫𑀥𑀺𑀘𑁆𑀘𑀓𑀸 𑀲𑁂𑀮, 𑀲𑁆𑀲𑀸𑀲𑀦𑁆𑀦𑀸 𑀪𑀽𑀫𑁆𑀬𑀼 𑀧𑀘𑁆𑀘𑀓𑀸;

𑀧𑀸𑀤𑁄 𑀢𑀼’𑀧𑀦𑁆𑀢𑀲𑁂𑀮𑁄 𑀣,

𑀥𑀸𑀢𑀼’𑀢𑁆𑀢𑁄 𑀕𑁂𑀭𑀺𑀓𑀸𑀤𑀺𑀓𑁄.

𑀇𑀢𑀺 𑀲𑁂𑀮𑀯𑀕𑁆𑀕𑁄.

𑁬𑁧𑁧. 𑀫𑀺𑀕𑀺𑀦𑁆𑀤𑁄 𑀓𑁂𑀲𑀭𑀻 𑀲𑀻𑀳𑁄, 𑀢𑀭𑀘𑁆𑀙𑁄 𑀢𑀼 𑀫𑀺𑀕𑀸𑀤𑀦𑁄;

𑀩𑁆𑀬𑀕𑁆𑀖𑁄 𑀢𑀼 𑀧𑀼𑀡𑁆𑀟𑀭𑀻𑀓𑁄 𑀣, 𑀲𑀤𑁆𑀤𑀽𑀮𑁄 𑀤𑀻𑀧𑀺𑀦𑀻’𑀭𑀺𑀢𑁄.

𑁬𑁧𑁨. 𑀅𑀘𑁆𑀙𑁄 𑀇𑀓𑁆𑀓𑁄 𑀘 𑀇𑀲𑁆𑀲𑁄 𑀢𑀼,

𑀓𑀸𑀴𑀲𑀻𑀳𑁄 𑀇𑀲𑁄 𑀧𑁆𑀬𑀣;

𑀭𑁄𑀳𑀺𑀲𑁄 𑀭𑁄𑀳𑀺𑀢𑁄 𑀘𑀸𑀣,

𑀕𑁄𑀓𑀡𑁆𑀡𑁄 𑀕𑀡𑀺 𑀓𑀡𑁆𑀝𑀓𑀸.

𑁬𑁧𑁩. 𑀔𑀕𑁆𑀕 𑀔𑀕𑁆𑀕𑀯𑀺𑀲𑀸𑀡𑀸 𑀢𑀼, 𑀧𑀮𑀸𑀲𑀸𑀤𑁄 𑀘 𑀕𑀡𑁆𑀟𑀓𑁄;

𑀩𑁆𑀬𑀕𑁆𑀖𑀸𑀤𑀺𑀓𑁂 𑀯𑀸𑀴𑀫𑀺𑀕𑁄, 𑀲𑀸𑀧𑀤𑁄 𑀣 𑀧𑁆𑀮𑀯𑀗𑁆𑀕𑀫𑁄.

𑁬𑁧𑁪. 𑀫𑀓𑁆𑀓𑀝𑁄 𑀯𑀸𑀦𑀭𑁄 𑀲𑀸𑀔𑀸, 𑀫𑀺𑀕𑁄 𑀓𑀧𑀺 𑀯𑀮𑀻𑀫𑀼𑀔𑁄;

𑀧𑀮𑀯𑀗𑁆𑀕𑁄, 𑀓𑀡𑁆𑀳𑀢𑀼𑀡𑁆𑀟𑁄,

𑀕𑁄𑀦𑀗𑁆𑀕𑀼𑀮𑁄 [𑀕𑁄𑀦𑀗𑁆𑀕𑀮𑁄 (𑀝𑀻.)] 𑀢𑀺 𑀲𑁄 𑀫𑀢𑁄.

𑁬𑁧𑁫. 𑀲𑀺𑀗𑁆𑀕𑀸𑀮𑁄 [𑀲𑀺𑀕𑀸𑀮𑁄 (𑀲𑀻.)] 𑀚𑀫𑁆𑀩𑀼𑀓𑁄 𑀓𑁄𑀢𑁆𑀣𑀼, 𑀪𑁂𑀭𑀯𑁄 𑀘 𑀲𑀺𑀯𑀸 𑀧𑁆𑀬𑀣;

𑀩𑀺𑀴𑀸𑀭𑁄 𑀩𑀩𑁆𑀩𑀼 𑀫𑀜𑁆𑀚𑀸𑀭𑁄, 𑀓𑁄𑀓𑁄 𑀢𑀼 𑀘 𑀯𑀓𑁄 𑀪𑀯𑁂.

𑁬𑁧𑁬. 𑀫𑀳𑀺𑀁𑀲𑁄 [𑀫𑀳𑀺𑀲𑁄 (𑀲𑀻.)] 𑀘 𑀮𑀼𑀮𑀸𑀬𑁄 𑀣,

𑀕𑀯𑀚𑁄 𑀕𑀯𑀬𑁄 𑀲𑀫𑀸;

𑀲𑀮𑁆𑀮𑁄 𑀢𑀼 𑀲𑀮𑁆𑀮𑀓𑁄 𑀣𑀸’𑀲𑁆𑀲,

𑀮𑁄𑀫𑀫𑁆𑀳𑀺 𑀲𑀮𑀮𑀁 𑀲𑀮𑀁.

𑁬𑁧𑁭. 𑀳𑀭𑀺𑀡𑁄 𑀫𑀺𑀕 𑀲𑀸𑀭𑀗𑁆𑀕𑀸, 𑀫𑀕𑁄 𑀅𑀚𑀺𑀦𑀬𑁄𑀦𑀺 𑀘;

𑀲𑀽𑀓𑀭𑁄 𑀢𑀼 𑀯𑀭𑁄𑀳𑁄 𑀣,

𑀧𑁂𑀮𑀓𑁄 𑀘 𑀲𑀲𑁄 𑀪𑀯𑁂.

𑁬𑁧𑁮. 𑀏𑀡𑁂𑀬𑁆𑀬𑁄 𑀏𑀡𑀻𑀫𑀺𑀕𑁄 𑀘, 𑀧𑀫𑁆𑀧𑀝𑀓𑁄 𑀢𑀼 𑀧𑀫𑁆𑀧𑀓𑁄;

𑀯𑀸𑀢𑀫𑀺𑀕𑁄 𑀢𑀼 𑀘𑀮𑀦𑀻, 𑀫𑀽𑀲𑀺𑀓𑁄 𑀢𑁆𑀯𑀸’𑀔𑀼 𑀉𑀦𑁆𑀤𑀼𑀭𑁄.

𑁬𑁧𑁯. 𑀘𑀫𑀭𑁄 𑀧𑀲𑀤𑁄 𑀘𑁂𑀯, 𑀓𑀼𑀭𑀼𑀗𑁆𑀕𑁄 𑀫𑀺𑀕𑀫𑀸𑀢𑀼𑀓𑀸;

𑀭𑀼𑀭𑀼 𑀭𑀗𑁆𑀓𑀼 𑀘 𑀦𑀻𑀓𑁄 𑀘, 𑀲𑀭𑀪𑀸𑀤𑀻 𑀫𑀺𑀕𑀦𑁆𑀢𑀭𑀸.

𑁬𑁨𑁦. 𑀧𑀺𑀬𑀓𑁄 𑀘𑀫𑀽𑀭𑀼 𑀓𑀤𑀮𑀻, 𑀫𑀺𑀕𑀸𑀤𑀻 𑀘𑀫𑁆𑀫𑀬𑁄𑀦𑀬𑁄;

𑀫𑀺𑀕𑀸 𑀢𑀼 𑀧𑀲𑀯𑁄 𑀲𑀻𑀳𑀸, 𑀤𑀬𑁄 𑀲𑀩𑁆𑀩𑀘𑀢𑀼𑀧𑁆𑀧𑀤𑀸.

𑁬𑁨𑁧. 𑀮𑀽𑀢𑀸 𑀢𑀼 𑀮𑀽𑀢𑀺𑀓𑀸 𑀉𑀡𑁆𑀡, 𑀦𑀸𑀪𑀺 𑀫𑀓𑁆𑀓𑀝𑀓𑁄 𑀲𑀺𑀬𑀸;

𑀯𑀺𑀘𑁆𑀙𑀺𑀓𑁄 𑀢𑁆𑀯𑀸’𑀴𑀺 𑀓𑀣𑀺𑀢𑁄, 𑀲𑀭𑀩𑀽 𑀖𑀭𑀕𑁄𑀴𑀺𑀓𑀸.

𑁬𑁨𑁨. 𑀕𑁄𑀥𑀸 𑀓𑀼𑀡𑁆𑀟𑁄 𑀧𑁆𑀬𑀣𑁄 𑀓𑀡𑁆𑀡, 𑀚𑀮𑀽𑀓𑀸 𑀲𑀢𑀧𑀤𑁆𑀬𑀣;

𑀓𑀮𑀦𑁆𑀤𑀓𑁄 𑀓𑀸𑀴𑀓𑀸 𑀣, 𑀦𑀓𑀼𑀮𑁄 𑀫𑀗𑁆𑀕𑀼𑀲𑁄 𑀪𑀯𑁂.

𑁬𑁨𑁩. 𑀓𑀓𑀡𑁆𑀝𑀓𑁄 𑀘 𑀲𑀭𑀝𑁄, 𑀓𑀻𑀝𑁄 𑀢𑀼 𑀧𑀼𑀴𑀯𑁄 𑀓𑀺𑀫𑀺;

𑀧𑀸𑀡𑀓𑁄 𑀘𑀸𑀧𑁆𑀬𑀣𑁄 𑀉𑀘𑁆𑀘𑀸,

𑀮𑀺𑀗𑁆𑀕𑁄 𑀮𑁄𑀫𑀲𑀧𑀸𑀡𑀓𑁄.

𑁬𑁨𑁪. 𑀯𑀺𑀳𑀗𑁆𑀕𑁄 𑀯𑀺𑀳𑀕𑁄 𑀧𑀓𑁆𑀔𑀻, 𑀯𑀺𑀳𑀗𑁆𑀕𑀫 𑀔𑀕’𑀡𑁆𑀟𑀚𑀸;

𑀲𑀓𑀼𑀡𑁄 𑀘 𑀲𑀓𑀼𑀦𑁆𑀢𑁄 𑀯𑀺, 𑀧𑀢𑀗𑁆𑀕𑁄 𑀲𑀓𑀼𑀡𑀻 𑀤𑁆𑀯𑀺𑀚𑁄.

𑁬𑁨𑁫. 𑀯𑀓𑁆𑀓𑀗𑁆𑀕𑁄 𑀧𑀢𑁆𑀢𑀬𑀸𑀦𑁄 𑀘, 𑀧𑀢𑀦𑁆𑀢𑁄 𑀦𑀻𑀴𑀚𑁄 𑀪𑀯𑁂;

𑀢𑀩𑁆𑀪𑁂𑀤𑀸 𑀯𑀝𑁆𑀝𑀓𑀸 𑀚𑀻𑀯, 𑀜𑁆𑀚𑀻𑀯𑁄 𑀘𑀓𑁄𑀭 𑀢𑀺𑀢𑁆𑀢𑀺𑀭𑀸.

𑁬𑁨𑁬. 𑀲𑀸𑀴𑀺𑀓𑀸 𑀓𑀭𑀯𑀻𑀓𑁄 𑀘, 𑀭𑀯𑀺𑀳𑀁𑀲𑁄 𑀓𑀼𑀓𑀼𑀢𑁆𑀣𑀓𑁄;

𑀓𑀸𑀭𑀡𑁆𑀟𑀯𑁄 𑀘 𑀧𑀺𑀮𑀯𑁄 [𑀩𑀺𑀮𑀯𑁄 (𑀝𑀻.)], 𑀧𑁄𑀓𑁆𑀔𑀭𑀲𑀸𑀢𑀓𑀸’𑀤𑀬𑁄.

𑁬𑁨𑁭. 𑀧𑀢𑀢𑁆𑀢𑀁 𑀧𑁂𑀔𑀼𑀡𑀁 𑀧𑀢𑁆𑀢𑀁, 𑀧𑀓𑁆𑀔𑁄 𑀧𑀺𑀜𑁆𑀙𑀁 𑀙𑀤𑁄 𑀕𑀭𑀼;

𑀅𑀡𑁆𑀟𑀁 𑀢𑀼 𑀧𑀓𑁆𑀔𑀺𑀩𑀻𑀚𑁂 𑀣, 𑀦𑀻𑀴𑁄 𑀦𑀺𑀢𑁆𑀣𑀻 𑀓𑀼𑀮𑀸𑀯𑀓𑀁.

𑁬𑁨𑁮. 𑀲𑀼𑀧𑀡𑁆𑀡𑀫𑀸𑀢𑀸 𑀯𑀺𑀦𑀢𑀸, 𑀫𑀺𑀣𑀼𑀦𑀁 𑀣𑀻𑀧𑀼𑀫𑀤𑁆𑀯𑀬𑀁;

𑀬𑀼𑀕𑀁 𑀢𑀼 𑀬𑀼𑀕𑀮𑀁 𑀤𑁆𑀯𑀦𑁆𑀤𑀁, 𑀬𑀫𑀓𑀁 𑀬𑀫𑀮𑀁 𑀬𑀫𑀁.

𑁬𑁨𑁯. 𑀲𑀫𑀽𑀳𑁄 𑀕𑀡 𑀲𑀗𑁆𑀖𑀸𑀢𑀸, 𑀲𑀫𑀼𑀤𑀸𑀬𑁄 𑀘 𑀲𑀜𑁆𑀘𑀬𑁄;

𑀲𑀦𑁆𑀤𑁄𑀳𑁄 𑀦𑀺𑀯𑀳𑁄 𑀑𑀖𑁄, 𑀯𑀺𑀲𑀭𑁄 𑀦𑀺𑀓𑀭𑁄 𑀘𑀬𑁄.

𑁬𑁩𑁦. 𑀓𑀸𑀬𑁄 𑀔𑀦𑁆𑀥𑁄 𑀲𑀫𑀼𑀤𑀬𑁄, 𑀖𑀝𑀸 𑀲𑀫𑀺𑀢𑀺 𑀲𑀁𑀳𑀢𑀺;

𑀭𑀸𑀲𑀺 𑀧𑀼𑀜𑁆𑀚𑁄 𑀲𑀫𑀯𑀸𑀬𑁄, 𑀧𑀽𑀕𑁄 𑀚𑀸𑀢𑀁 𑀓𑀤𑀫𑁆𑀩𑀓𑀁.

𑁬𑁩𑁧. 𑀩𑁆𑀬𑀽𑀳𑁄 𑀯𑀺𑀢𑀸𑀦 𑀕𑀼𑀫𑁆𑀩𑀸 𑀘, 𑀓𑀮𑀸𑀧𑁄 𑀚𑀸𑀮 𑀫𑀡𑁆𑀟𑀮𑀁;

𑀲𑀫𑀸𑀦𑀸𑀦𑀁 𑀕𑀡𑁄 𑀯𑀕𑁆𑀕𑁄,

𑀲𑀗𑁆𑀖𑁄 𑀲𑀢𑁆𑀣𑁄 𑀢𑀼 𑀚𑀦𑁆𑀢𑀼𑀦𑀁.

𑁬𑁩𑁨. 𑀲𑀚𑀸𑀢𑀺𑀓𑀸𑀦𑀁 𑀢𑀼 𑀓𑀼𑀮𑀁, 𑀦𑀺𑀓𑀸𑀬𑁄 𑀢𑀼 𑀲𑀥𑀫𑁆𑀫𑀺𑀦𑀁;

𑀬𑀽𑀣𑁄 𑀦𑀺𑀢𑁆𑀣𑀻 𑀲𑀚𑀸𑀢𑀺𑀬, 𑀢𑀺𑀭𑀘𑁆𑀙𑀸𑀦𑀸𑀦𑀫𑀼𑀘𑁆𑀘𑀢𑁂.

𑁬𑁩𑁩. 𑀲𑀼𑀧𑀡𑁆𑀡𑁄 𑀯𑁂𑀦𑀢𑁂𑀬𑁆𑀬𑁄 𑀘, 𑀕𑀭𑀼𑀴𑁄 𑀯𑀺𑀳𑀕𑀸𑀥𑀺𑀧𑁄;

𑀧𑀭𑀧𑀼𑀝𑁆𑀞𑁄 𑀧𑀭𑀪𑀢𑁄, 𑀓𑀼𑀡𑀸𑀮𑁄 𑀓𑁄𑀓𑀺𑀮𑁄 𑀧𑀺𑀓𑁄.

𑁬𑁩𑁪. 𑀫𑁄𑀭𑁄 𑀫𑀬𑀽𑀭𑁄 𑀯𑀭𑀳𑀻, 𑀦𑀻𑀮𑀕𑀻𑀯 𑀲𑀺𑀔𑀡𑁆𑀟𑀺𑀦𑁄;

𑀓𑀮𑀸𑀧𑀻 𑀘 𑀲𑀺𑀔𑀻 𑀓𑁂𑀓𑀻, 𑀘𑀽𑀴𑀸 𑀢𑀼 𑀘 𑀲𑀺𑀔𑀸 𑀪𑀯𑁂.

𑁬𑁩𑁫. 𑀲𑀺𑀔𑀡𑁆𑀟𑁄 𑀯𑀭𑀳𑀜𑁆𑀘𑁂𑀯, 𑀓𑀮𑀸𑀧𑁄 𑀧𑀺𑀜𑁆𑀙 𑀫𑀧𑁆𑀬𑀣;

𑀘𑀦𑁆𑀤𑀓𑁄 𑀫𑁂𑀘𑀓𑁄 𑀘𑀸𑀣, 𑀙𑀧𑁆𑀧𑀤𑁄 𑀘 𑀫𑀥𑀼𑀩𑁆𑀩𑀢𑁄.

𑁬𑁩𑁬. 𑀫𑀥𑀼𑀮𑀻𑀳𑁄 𑀫𑀥𑀼𑀓𑀭𑁄, 𑀫𑀥𑀼𑀧𑁄 𑀪𑀫𑀭𑁄 𑀅𑀮𑀺;

𑀧𑀸𑀭𑀸𑀯𑀢𑁄 𑀓𑀧𑁄𑀢𑁄 𑀘, 𑀓𑀓𑀼𑀝𑁄 𑀘 𑀧𑀸𑀭𑁂𑀯𑀢𑁄.

𑁬𑁩𑁭. 𑀕𑀺𑀚𑁆𑀛𑁄 𑀕𑀤𑁆𑀥𑁄𑀣 𑀓𑀼𑀮𑀮𑁄, 𑀲𑁂𑀦𑁄 𑀩𑁆𑀬𑀕𑁆𑀖𑀻𑀦𑀲𑁄 𑀧𑁆𑀬𑀣;

𑀢𑀩𑁆𑀪𑁂𑀤𑀸 𑀲𑀓𑀼𑀡𑀕𑁆𑀖𑀺’𑀢𑁆𑀣𑀻, 𑀆𑀝𑁄 𑀤𑀩𑁆𑀩𑀺𑀫𑀼𑀔𑀤𑁆𑀯𑀺𑀚𑁄.

𑁬𑁩𑁮. 𑀉𑀳𑀼𑀗𑁆𑀓𑀸𑀭𑁄 𑀉𑀮𑀽𑀓𑁄 𑀘, 𑀓𑁄𑀲𑀺𑀬𑁄 𑀯𑀸𑀬𑀲𑀸𑀭𑀺 𑀘;

𑀓𑀸𑀓𑁄 𑀢𑁆𑀯’𑀭𑀺𑀝𑁆𑀞𑁄 𑀥𑀗𑁆𑀓𑁄 𑀘, 𑀩𑀮𑀺𑀧𑀼𑀝𑁆𑀞𑁄 𑀘 𑀯𑀸𑀬𑀲𑁄.

𑁬𑁩𑁯. 𑀓𑀸𑀓𑁄𑀮𑁄 𑀯𑀦𑀓𑀸𑀓𑁄 𑀣,

𑀮𑀸𑀧𑁄 𑀮𑀝𑀼𑀓𑀺𑀓𑀸 𑀧𑁆𑀬𑀣;

𑀯𑀸𑀭𑀡𑁄 𑀳𑀢𑁆𑀣𑀺𑀮𑀺𑀗𑁆𑀕𑁄 𑀘, 𑀳𑀢𑁆𑀣𑀺𑀲𑁄𑀡𑁆𑀟𑀯𑀺𑀳𑀗𑁆𑀕𑀫𑁄.

𑁬𑁪𑁦. 𑀉𑀓𑁆𑀓𑀼𑀲𑁄 𑀓𑀼𑀭𑀭𑁄 𑀓𑁄𑀮,𑀝𑁆𑀞𑀺𑀧𑀓𑁆𑀔𑀺𑀫𑁆𑀳𑀺 𑀘 𑀓𑀼𑀓𑁆𑀓𑀼𑀳𑁄;

𑀲𑀼𑀯𑁄 𑀢𑀼 𑀓𑀻𑀭𑁄 𑀘 𑀲𑀼𑀓𑁄, 𑀢𑀫𑁆𑀩𑀘𑀽𑀴𑁄 𑀢𑀼 𑀓𑀼𑀓𑁆𑀓𑀼𑀝𑁄.

𑁬𑁪𑁧. 𑀯𑀦𑀓𑀼𑀓𑁆𑀓𑀼𑀝𑁄 𑀘 𑀦𑀺𑀚𑁆𑀚𑀺𑀯𑁆𑀳𑁄, 𑀅𑀣 𑀓𑁄𑀜𑁆𑀘𑀸 𑀘 𑀓𑀼𑀦𑁆𑀢𑀦𑀻;

𑀘𑀓𑁆𑀓𑀯𑀸𑀓𑁄 𑀢𑀼 𑀘𑀓𑁆𑀓𑀯𑁆𑀳𑁄, 𑀲𑀸𑀭𑀗𑁆𑀕𑁄𑀢𑀼 𑀘 𑀘𑀸𑀢𑀓𑁄.

𑁬𑁪𑁨. 𑀢𑀼𑀮𑀺𑀬𑁄 𑀧𑀓𑁆𑀔𑀺𑀩𑀺𑀴𑀸𑀮𑁄,

𑀲𑀢𑀧𑀢𑁆𑀢𑁄 𑀢𑀼 𑀲𑀸𑀭𑀲𑁄;

𑀩𑀓𑁄 𑀢𑀼 𑀲𑀼𑀓𑁆𑀓𑀓𑀸𑀓𑁄𑀣,

𑀩𑀮𑀸𑀓𑀸 𑀯𑀺𑀲𑀓𑀡𑁆𑀞𑀺𑀓𑀸.

𑁬𑁪𑁩. 𑀮𑁄𑀳𑀧𑀺𑀝𑁆𑀞𑁄 𑀢𑀣𑀸 𑀓𑀗𑁆𑀓𑁄, 𑀔𑀜𑁆𑀚𑀭𑀻𑀝𑁄 𑀢𑀼 𑀔𑀜𑁆𑀚𑀦𑁄;

𑀓𑀮𑀯𑀺𑀗𑁆𑀓𑁄 𑀢𑀼 𑀘𑀸𑀝𑀓𑁄, 𑀤𑀺𑀦𑁆𑀤𑀺𑀪𑁄 𑀢𑀼 𑀓𑀺𑀓𑀻 𑀪𑀯𑁂.

𑁬𑁪𑁪. 𑀓𑀸𑀤𑀫𑁆𑀩𑁄 𑀓𑀸𑀴𑀳𑀁𑀲𑁄𑀣, 𑀲𑀓𑀼𑀦𑁆𑀢𑁄 𑀪𑀸𑀲𑀧𑀓𑁆𑀔𑀺𑀦𑀺;

𑀥𑀽𑀫𑁆𑀬𑀸𑀝𑁄 𑀢𑀼 𑀓𑀮𑀺𑀗𑁆𑀕𑁄𑀣,

𑀤𑀸𑀢𑁆𑀬𑀽𑀳𑁄 𑀓𑀸𑀴𑀓𑀡𑁆𑀞𑀓𑁄.

𑁬𑁪𑁫. 𑀔𑀼𑀤𑁆𑀤𑀸𑀤𑀻 𑀫𑀓𑁆𑀔𑀺𑀓𑀸𑀪𑁂𑀤𑀸, 𑀟𑀁𑀲𑁄 𑀧𑀺𑀗𑁆𑀕𑀮𑀫𑀓𑁆𑀔𑀺𑀓𑀸;

𑀆𑀲𑀸𑀝𑀺𑀓𑀸 𑀫𑀓𑁆𑀔𑀺𑀓𑀸𑀡𑁆𑀟𑀁, 𑀧𑀢𑀗𑁆𑀕𑁄 𑀲𑀮𑀪𑁄 𑀪𑀯𑁂.

𑁬𑁪𑁬. 𑀲𑀽𑀘𑀺𑀫𑀼𑀔𑁄 𑀘 𑀫𑀓𑀲𑁄, 𑀘𑀻𑀭𑀻 𑀢𑀼 𑀛𑀮𑁆𑀮𑀺𑀓𑀸 [𑀛𑀺𑀮𑁆𑀮𑀺𑀓𑀸 (𑀓.)] 𑀣 𑀘;

𑀚𑀢𑀼𑀓𑀸 𑀚𑀺𑀦𑀧𑀢𑁆𑀢𑀸 𑀣, 𑀳𑀁𑀲𑁄 𑀲𑁂𑀢𑀘𑁆𑀙𑀤𑁄 𑀪𑀯𑁂.

𑁬𑁪𑁭. 𑀢𑁂 𑀭𑀸𑀚𑀳𑀁𑀲𑀸 𑀭𑀢𑁆𑀢𑁂𑀳𑀺, 𑀧𑀸𑀤𑀢𑀼𑀡𑁆𑀟𑁂𑀳𑀺 𑀪𑀸𑀲𑀺𑀢𑀸;

𑀫𑀮𑁆𑀮𑀺𑀓𑀸’𑀔𑁆𑀬𑀸 𑀥𑀢𑀭𑀝𑁆𑀞𑀸, 𑀫𑀮𑀻𑀦𑁂𑀳𑁆𑀬’𑀲𑀺𑀢𑁂𑀳𑀺 𑀘.

𑁬𑁪𑁮. 𑀢𑀺𑀭𑀘𑁆𑀙𑁄 𑀢𑀼 𑀢𑀺𑀭𑀘𑁆𑀙𑀸𑀦𑁄, 𑀢𑀺𑀭𑀘𑁆𑀙𑀸𑀦𑀕𑀢𑁄 𑀲𑀺𑀬𑀸𑀢𑀺.

𑀇𑀢𑀺 𑀅𑀭𑀜𑁆𑀜𑀸𑀤𑀺𑀯𑀕𑁆𑀕𑁄.