𑁧𑁦. 𑀆𑀳𑀼𑀦𑁂𑀬𑁆𑀬𑀲𑀼𑀢𑁆𑀢𑀁

𑁧𑁦. ‘‘𑀦𑀯𑀬𑀺𑀫𑁂, 𑀪𑀺𑀓𑁆𑀔𑀯𑁂, 𑀧𑀼𑀕𑁆𑀕𑀮𑀸 𑀆𑀳𑀼𑀦𑁂𑀬𑁆𑀬𑀸 𑀧𑀸𑀳𑀼𑀦𑁂𑀬𑁆𑀬𑀸 𑀤𑀓𑁆𑀔𑀺𑀡𑁂𑀬𑁆𑀬𑀸 𑀅𑀜𑁆𑀚𑀮𑀺𑀓𑀭𑀡𑀻𑀬𑀸 𑀅𑀦𑀼𑀢𑁆𑀢𑀭𑀁 𑀧𑀼𑀜𑁆𑀜𑀓𑁆𑀔𑁂𑀢𑁆𑀢𑀁 𑀮𑁄𑀓𑀲𑁆𑀲. 𑀓𑀢𑀫𑁂 𑀦𑀯? 𑀅𑀭𑀳𑀸, 𑀅𑀭𑀳𑀢𑁆𑀢𑀸𑀬 𑀧𑀝𑀺𑀧𑀦𑁆𑀦𑁄, 𑀅𑀦𑀸𑀕𑀸𑀫𑀻, 𑀅𑀦𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑁄, 𑀲𑀓𑀤𑀸𑀕𑀸𑀫𑀻, 𑀲𑀓𑀤𑀸𑀕𑀸𑀫𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑁄, 𑀲𑁄𑀢𑀸𑀧𑀦𑁆𑀦𑁄, 𑀲𑁄𑀢𑀸𑀧𑀢𑁆𑀢𑀺𑀨𑀮𑀲𑀘𑁆𑀙𑀺𑀓𑀺𑀭𑀺𑀬𑀸𑀬 𑀧𑀝𑀺𑀧𑀦𑁆𑀦𑁄, 𑀕𑁄𑀢𑁆𑀭𑀪𑀽 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀦𑀯 𑀧𑀼𑀕𑁆𑀕𑀮𑀸 𑀆𑀳𑀼𑀦𑁂𑀬𑁆𑀬𑀸…𑀧𑁂… 𑀅𑀦𑀼𑀢𑁆𑀢𑀭𑀁 𑀧𑀼𑀜𑁆𑀜𑀓𑁆𑀔𑁂𑀢𑁆𑀢𑀁 𑀮𑁄𑀓𑀲𑁆𑀲𑀸’’𑀢𑀺. 𑀤𑀲𑀫𑀁.

𑀲𑀫𑁆𑀩𑁄𑀥𑀺𑀯𑀕𑁆𑀕𑁄 𑀧𑀞𑀫𑁄.