𑁯. 𑀅𑀢𑀫𑁆𑀫𑀬𑀲𑀼𑀢𑁆𑀢𑀁

𑁧𑁦𑁪. ‘‘𑀙, 𑀪𑀺𑀓𑁆𑀔𑀯𑁂, 𑀆𑀦𑀺𑀲𑀁𑀲𑁂 𑀲𑀫𑁆𑀧𑀲𑁆𑀲𑀫𑀸𑀦𑁂𑀦 𑀅𑀮𑀫𑁂𑀯 𑀪𑀺𑀓𑁆𑀔𑀼𑀦𑀸 𑀲𑀩𑁆𑀩𑀥𑀫𑁆𑀫𑁂𑀲𑀼 𑀅𑀦𑁄𑀥𑀺𑀁 𑀓𑀭𑀺𑀢𑁆𑀯𑀸 𑀅𑀦𑀢𑁆𑀢𑀲𑀜𑁆𑀜𑀁 𑀉𑀧𑀝𑁆𑀞𑀸𑀧𑁂𑀢𑀼𑀁. 𑀓𑀢𑀫𑁂 𑀙? 𑀲𑀩𑁆𑀩𑀮𑁄𑀓𑁂 𑀘 𑀅𑀢𑀫𑁆𑀫𑀬𑁄 𑀪𑀯𑀺𑀲𑁆𑀲𑀸𑀫𑀺, 𑀅𑀳𑀗𑁆𑀓𑀸𑀭𑀸 𑀘 𑀫𑁂 𑀉𑀧𑀭𑀼𑀚𑁆𑀛𑀺𑀲𑁆𑀲𑀦𑁆𑀢𑀺, 𑀫𑀫𑀗𑁆𑀓𑀸𑀭𑀸 𑀘 𑀫𑁂 𑀉𑀧𑀭𑀼𑀚𑁆𑀛𑀺𑀲𑁆𑀲𑀦𑁆𑀢𑀺, 𑀅𑀲𑀸𑀥𑀸𑀭𑀡𑁂𑀦 𑀘 𑀜𑀸𑀡𑁂𑀦 𑀲𑀫𑀦𑁆𑀦𑀸𑀕𑀢𑁄 𑀪𑀯𑀺𑀲𑁆𑀲𑀸𑀫𑀺, 𑀳𑁂𑀢𑀼 𑀘 𑀫𑁂 𑀲𑀼𑀤𑀺𑀝𑁆𑀞𑁄 𑀪𑀯𑀺𑀲𑁆𑀲𑀢𑀺, 𑀳𑁂𑀢𑀼𑀲𑀫𑀼𑀧𑁆𑀧𑀦𑁆𑀦𑀸 𑀘 𑀥𑀫𑁆𑀫𑀸. 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀙 𑀆𑀦𑀺𑀲𑀁𑀲𑁂 𑀲𑀫𑁆𑀧𑀲𑁆𑀲𑀫𑀸𑀦𑁂𑀦 𑀅𑀮𑀫𑁂𑀯 𑀪𑀺𑀓𑁆𑀔𑀼𑀦𑀸 𑀲𑀩𑁆𑀩𑀥𑀫𑁆𑀫𑁂𑀲𑀼 𑀅𑀦𑁄𑀥𑀺𑀁 𑀓𑀭𑀺𑀢𑁆𑀯𑀸 𑀅𑀦𑀢𑁆𑀢𑀲𑀜𑁆𑀜𑀁 𑀉𑀧𑀝𑁆𑀞𑀸𑀧𑁂𑀢𑀼’’𑀦𑁆𑀢𑀺. 𑀦𑀯𑀫𑀁.