𑁧𑁧. 𑀢𑀡𑁆𑀳𑀸𑀲𑀼𑀢𑁆𑀢𑀁

𑁧𑁦𑁬. ‘‘𑀢𑀺𑀲𑁆𑀲𑁄 𑀇𑀫𑀸, 𑀪𑀺𑀓𑁆𑀔𑀯𑁂, 𑀢𑀡𑁆𑀳𑀸 𑀧𑀳𑀸𑀢𑀩𑁆𑀩𑀸, 𑀢𑀬𑁄 𑀘 𑀫𑀸𑀦𑀸. 𑀓𑀢𑀫𑀸 𑀢𑀺𑀲𑁆𑀲𑁄 𑀢𑀡𑁆𑀳𑀸 𑀧𑀳𑀸𑀢𑀩𑁆𑀩𑀸? 𑀓𑀸𑀫𑀢𑀡𑁆𑀳𑀸, 𑀪𑀯𑀢𑀡𑁆𑀳𑀸, 𑀯𑀺𑀪𑀯𑀢𑀡𑁆𑀳𑀸 𑁋 𑀇𑀫𑀸 𑀢𑀺𑀲𑁆𑀲𑁄 𑀢𑀡𑁆𑀳𑀸 𑀧𑀳𑀸𑀢𑀩𑁆𑀩𑀸. 𑀓𑀢𑀫𑁂 𑀢𑀬𑁄 𑀫𑀸𑀦𑀸 𑀧𑀳𑀸𑀢𑀩𑁆𑀩𑀸? 𑀫𑀸𑀦𑁄, 𑀑𑀫𑀸𑀦𑁄, 𑀅𑀢𑀺𑀫𑀸𑀦𑁄 𑁋 𑀇𑀫𑁂 𑀢𑀬𑁄 𑀫𑀸𑀦𑀸 𑀧𑀳𑀸𑀢𑀩𑁆𑀩𑀸. 𑀬𑀢𑁄 𑀔𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼𑀦𑁄 𑀇𑀫𑀸 𑀢𑀺𑀲𑁆𑀲𑁄 𑀢𑀡𑁆𑀳𑀸 𑀧𑀳𑀻𑀦𑀸 𑀳𑁄𑀦𑁆𑀢𑀺, 𑀇𑀫𑁂 𑀘 𑀢𑀬𑁄 𑀫𑀸𑀦𑀸; 𑀅𑀬𑀁 𑀯𑀼𑀘𑁆𑀘𑀢𑀺, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀅𑀘𑁆𑀙𑁂𑀘𑁆𑀙𑀺 𑀢𑀡𑁆𑀳𑀁, 𑀯𑀺𑀯𑀢𑁆𑀢𑀬𑀺 𑀲𑀁𑀬𑁄𑀚𑀦𑀁, 𑀲𑀫𑁆𑀫𑀸 𑀫𑀸𑀦𑀸𑀪𑀺𑀲𑀫𑀬𑀸 𑀅𑀦𑁆𑀢𑀫𑀓𑀸𑀲𑀺 𑀤𑀼𑀓𑁆𑀔𑀲𑁆𑀲𑀸’’𑀢𑀺. 𑀏𑀓𑀸𑀤𑀲𑀫𑀁.

𑀆𑀦𑀺𑀲𑀁𑀲𑀯𑀕𑁆𑀕𑁄 𑀤𑀲𑀫𑁄. [𑀧𑀜𑁆𑀘𑀫𑁄 (𑀲𑁆𑀬𑀸. 𑀓.)]