𑁯. 𑀤𑀼𑀢𑀺𑀬𑀅𑀪𑀩𑁆𑀩𑀝𑁆𑀞𑀸𑀦𑀲𑀼𑀢𑁆𑀢𑀁

𑁯𑁩. ‘‘𑀙𑀬𑀺𑀫𑀸𑀦𑀺, 𑀪𑀺𑀓𑁆𑀔𑀯𑁂, 𑀅𑀪𑀩𑁆𑀩𑀝𑁆𑀞𑀸𑀦𑀸𑀦𑀺. 𑀓𑀢𑀫𑀸𑀦𑀺 𑀙? 𑀅𑀪𑀩𑁆𑀩𑁄 𑀤𑀺𑀝𑁆𑀞𑀺𑀲𑀫𑁆𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀓𑀜𑁆𑀘𑀺 [𑀓𑀺𑀜𑁆𑀘𑀺 (𑀓.) 𑀯𑀺𑀪. 𑁮𑁦𑁯; 𑀫. 𑀦𑀺. 𑁩.𑁧𑁨𑁭] 𑀲𑀗𑁆𑀔𑀸𑀭𑀁 𑀦𑀺𑀘𑁆𑀘𑀢𑁄 𑀉𑀧𑀕𑀦𑁆𑀢𑀼𑀁, 𑀅𑀪𑀩𑁆𑀩𑁄 𑀤𑀺𑀝𑁆𑀞𑀺𑀲𑀫𑁆𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀓𑀜𑁆𑀘𑀺 𑀲𑀗𑁆𑀔𑀸𑀭𑀁 𑀲𑀼𑀔𑀢𑁄 𑀉𑀧𑀕𑀦𑁆𑀢𑀼𑀁, 𑀅𑀪𑀩𑁆𑀩𑁄 𑀤𑀺𑀝𑁆𑀞𑀺𑀲𑀫𑁆𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀓𑀜𑁆𑀘𑀺 𑀥𑀫𑁆𑀫𑀁 𑀅𑀢𑁆𑀢𑀢𑁄 𑀉𑀧𑀕𑀦𑁆𑀢𑀼𑀁, 𑀅𑀪𑀩𑁆𑀩𑁄 𑀤𑀺𑀝𑁆𑀞𑀺𑀲𑀫𑁆𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀆𑀦𑀦𑁆𑀢𑀭𑀺𑀬𑀁 𑀓𑀫𑁆𑀫𑀁 [𑀆𑀦𑀦𑁆𑀢𑀭𑀺𑀬𑀓𑀫𑁆𑀫𑀁 (𑀲𑀻.), 𑀅𑀦𑀦𑁆𑀢𑀭𑀺𑀬𑀓𑀫𑁆𑀫𑀁 (𑀲𑁆𑀬𑀸. 𑀧𑀻.) 𑀅. 𑀦𑀺. 𑁪.𑁧𑁬𑁨 𑀧𑀲𑁆𑀲𑀺𑀢𑀩𑁆𑀩𑀁] 𑀓𑀸𑀢𑀼𑀁, 𑀅𑀪𑀩𑁆𑀩𑁄 𑀤𑀺𑀝𑁆𑀞𑀺𑀲𑀫𑁆𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀓𑁄𑀢𑀽𑀳𑀮𑀫𑀗𑁆𑀕𑀮𑁂𑀦 𑀲𑀼𑀤𑁆𑀥𑀺𑀁 𑀧𑀘𑁆𑀘𑀸𑀕𑀦𑁆𑀢𑀼𑀁, 𑀅𑀪𑀩𑁆𑀩𑁄 𑀤𑀺𑀝𑁆𑀞𑀺𑀲𑀫𑁆𑀧𑀦𑁆𑀦𑁄 𑀧𑀼𑀕𑁆𑀕𑀮𑁄 𑀇𑀢𑁄 𑀩𑀳𑀺𑀤𑁆𑀥𑀸 𑀤𑀓𑁆𑀔𑀺𑀡𑁂𑀬𑁆𑀬𑀁 𑀕𑀯𑁂𑀲𑀺𑀢𑀼𑀁. 𑀇𑀫𑀸𑀦𑀺 𑀔𑁄, 𑀪𑀺𑀓𑁆𑀔𑀯𑁂, 𑀙 𑀅𑀪𑀩𑁆𑀩𑀝𑁆𑀞𑀸𑀦𑀸𑀦𑀻’’𑀢𑀺. 𑀦𑀯𑀫𑀁.