𑁧. 𑀅𑀦𑀸𑀕𑀸𑀫𑀺𑀨𑀮𑀲𑀼𑀢𑁆𑀢𑀁

𑁬𑁫. ‘‘𑀙, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂 𑀅𑀧𑁆𑀧𑀳𑀸𑀬 𑀅𑀪𑀩𑁆𑀩𑁄 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀸𑀢𑀼𑀁. 𑀓𑀢𑀫𑁂 𑀙? 𑀅𑀲𑁆𑀲𑀤𑁆𑀥𑀺𑀬𑀁, 𑀅𑀳𑀺𑀭𑀺𑀓𑀁, 𑀅𑀦𑁄𑀢𑁆𑀢𑀧𑁆𑀧𑀁, 𑀓𑁄𑀲𑀚𑁆𑀚𑀁, 𑀫𑀼𑀝𑁆𑀞𑀲𑁆𑀲𑀘𑁆𑀘𑀁, 𑀤𑀼𑀧𑁆𑀧𑀜𑁆𑀜𑀢𑀁 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀙 𑀥𑀫𑁆𑀫𑁂 𑀅𑀧𑁆𑀧𑀳𑀸𑀬 𑀅𑀪𑀩𑁆𑀩𑁄 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀸𑀢𑀼𑀁.

‘‘𑀙, 𑀪𑀺𑀓𑁆𑀔𑀯𑁂, 𑀥𑀫𑁆𑀫𑁂 𑀧𑀳𑀸𑀬 𑀪𑀩𑁆𑀩𑁄 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀸𑀢𑀼𑀁. 𑀓𑀢𑀫𑁂 𑀙? 𑀅𑀲𑁆𑀲𑀤𑁆𑀥𑀺𑀬𑀁, 𑀅𑀳𑀺𑀭𑀺𑀓𑀁, 𑀅𑀦𑁄𑀢𑁆𑀢𑀧𑁆𑀧𑀁, 𑀓𑁄𑀲𑀚𑁆𑀚𑀁, 𑀫𑀼𑀝𑁆𑀞𑀲𑁆𑀲𑀘𑁆𑀘𑀁, 𑀤𑀼𑀧𑁆𑀧𑀜𑁆𑀜𑀢𑀁 𑁋 𑀇𑀫𑁂 𑀔𑁄, 𑀪𑀺𑀓𑁆𑀔𑀯𑁂, 𑀙 𑀥𑀫𑁆𑀫𑁂 𑀧𑀳𑀸𑀬 𑀪𑀩𑁆𑀩𑁄 𑀅𑀦𑀸𑀕𑀸𑀫𑀺𑀨𑀮𑀁 𑀲𑀘𑁆𑀙𑀺𑀓𑀸𑀢𑀼’’𑀦𑁆𑀢𑀺. 𑀧𑀞𑀫𑀁.