𑁭. 𑀓𑀸𑀓𑀲𑀼𑀢𑁆𑀢𑀁

𑁭𑁭. ‘‘𑀤𑀲𑀳𑀺, 𑀪𑀺𑀓𑁆𑀔𑀯𑁂, 𑀅𑀲𑀤𑁆𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀓𑀸𑀓𑁄. 𑀓𑀢𑀫𑁂𑀳𑀺 𑀤𑀲𑀳𑀺? 𑀥𑀁𑀲𑀻 𑀘, 𑀧𑀕𑀩𑁆𑀪𑁄 𑀘, 𑀢𑀺𑀦𑁆𑀢𑀺𑀡𑁄 [𑀦𑀺𑀮𑁆𑀮𑀚𑁆𑀚𑁄 (𑀓.) 𑀢𑀺𑀦𑁆𑀢𑀺𑀡𑁄𑀢𑀺 𑀢𑀺𑀦𑁆𑀢𑀺𑀡𑀁 𑀯𑀼𑀘𑁆𑀘𑀢𑀺 𑀢𑀡𑁆𑀳𑀸… (𑀲𑀻. 𑀲𑁆𑀬𑀸. 𑀅𑀝𑁆𑀞.) 𑀅𑀪𑀺𑀥𑀫𑁆𑀫𑁂 𑀔𑀼𑀤𑁆𑀤𑀓𑀯𑀢𑁆𑀣𑀼𑀯𑀺𑀪𑀗𑁆𑀕𑁂 𑀢𑀺𑀦𑁆𑀢𑀺𑀡𑀧𑀤𑀦𑀺𑀤𑁆𑀤𑁂𑀲𑁂 𑀧𑀲𑁆𑀲𑀺𑀢𑀩𑁆𑀩𑀁] 𑀘, 𑀫𑀳𑀕𑁆𑀖𑀲𑁄 𑀘, 𑀮𑀼𑀤𑁆𑀤𑁄 𑀘, 𑀅𑀓𑀸𑀭𑀼𑀡𑀺𑀓𑁄 𑀘, 𑀤𑀼𑀩𑁆𑀩𑀮𑁄 𑀘, 𑀑𑀭𑀯𑀺𑀢𑀸 𑀘, 𑀫𑀼𑀝𑁆𑀞𑀲𑁆𑀲𑀢𑀺 𑀘, 𑀦𑁂𑀘𑀬𑀺𑀓𑁄 [𑀦𑁂𑀭𑀲𑀺𑀓𑁄 (𑀲𑀻.) 𑀢𑀤𑀝𑁆𑀞𑀓𑀣𑀸𑀬𑀁 𑀧𑀦 ‘‘𑀦𑁂𑀘𑀬𑀺𑀓𑁄’’ 𑀢𑁆𑀯𑁂𑀯 𑀤𑀺𑀲𑁆𑀲𑀢𑀺] 𑀘 𑁋 𑀇𑀫𑁂𑀳𑀺 𑀔𑁄, 𑀪𑀺𑀓𑁆𑀔𑀯𑁂, 𑀤𑀲𑀳𑀺 𑀅𑀲𑀤𑁆𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀓𑀸𑀓𑁄. 𑀏𑀯𑀫𑁂𑀯𑀁 𑀔𑁄, 𑀪𑀺𑀓𑁆𑀔𑀯𑁂, 𑀤𑀲𑀳𑀺 𑀅𑀲𑀤𑁆𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀧𑀸𑀧𑀪𑀺𑀓𑁆𑀔𑀼. 𑀓𑀢𑀫𑁂𑀳𑀺 𑀤𑀲𑀳𑀺? 𑀥𑀁𑀲𑀻 𑀘, 𑀧𑀕𑀩𑁆𑀪𑁄 𑀘, 𑀢𑀺𑀦𑁆𑀢𑀺𑀡𑁄 𑀘, 𑀫𑀳𑀕𑁆𑀖𑀲𑁄 𑀘, 𑀮𑀼𑀤𑁆𑀤𑁄 𑀘, 𑀅𑀓𑀸𑀭𑀼𑀡𑀺𑀓𑁄 𑀘, 𑀤𑀼𑀩𑁆𑀩𑀮𑁄 𑀘, 𑀑𑀭𑀯𑀺𑀢𑀸 𑀘, 𑀫𑀼𑀝𑁆𑀞𑀲𑁆𑀲𑀢𑀺 𑀘, 𑀦𑁂𑀘𑀬𑀺𑀓𑁄 𑀘 𑁋 𑀇𑀫𑁂𑀳𑀺 𑀔𑁄, 𑀪𑀺𑀓𑁆𑀔𑀯𑁂, 𑀤𑀲𑀳𑀺 𑀅𑀲𑀤𑁆𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑁄 𑀧𑀸𑀧𑀪𑀺𑀓𑁆𑀔𑀽’’𑀢𑀺. 𑀲𑀢𑁆𑀢𑀫𑀁.