𑁮. 𑀦𑀺𑀕𑀡𑁆𑀞𑀲𑀼𑀢𑁆𑀢𑀁

𑁭𑁮. ‘‘𑀤𑀲𑀳𑀺, 𑀪𑀺𑀓𑁆𑀔𑀯𑁂, 𑀅𑀲𑀤𑁆𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑀸 𑀦𑀺𑀕𑀡𑁆𑀞𑀸. 𑀓𑀢𑀫𑁂𑀳𑀺 𑀤𑀲𑀳𑀺? 𑀅𑀲𑁆𑀲𑀤𑁆𑀥𑀸, 𑀪𑀺𑀓𑁆𑀔𑀯𑁂, 𑀦𑀺𑀕𑀡𑁆𑀞𑀸; 𑀤𑀼𑀲𑁆𑀲𑀻𑀮𑀸, 𑀪𑀺𑀓𑁆𑀔𑀯𑁂, 𑀦𑀺𑀕𑀡𑁆𑀞𑀸; 𑀅𑀳𑀺𑀭𑀺𑀓𑀸, 𑀪𑀺𑀓𑁆𑀔𑀯𑁂, 𑀦𑀺𑀕𑀡𑁆𑀞𑀸; 𑀅𑀦𑁄𑀢𑁆𑀢𑀧𑁆𑀧𑀺𑀦𑁄, 𑀪𑀺𑀓𑁆𑀔𑀯𑁂, 𑀦𑀺𑀕𑀡𑁆𑀞𑀸; 𑀅𑀲𑀧𑁆𑀧𑀼𑀭𑀺𑀲𑀲𑀫𑁆𑀪𑀢𑁆𑀢𑀺𑀦𑁄, 𑀪𑀺𑀓𑁆𑀔𑀯𑁂, 𑀦𑀺𑀕𑀡𑁆𑀞𑀸; 𑀅𑀢𑁆𑀢𑀼𑀓𑁆𑀓𑀁𑀲𑀓𑀧𑀭𑀯𑀫𑁆𑀪𑀓𑀸, 𑀪𑀺𑀓𑁆𑀔𑀯𑁂, 𑀦𑀺𑀕𑀡𑁆𑀞𑀸; 𑀲𑀦𑁆𑀤𑀺𑀝𑁆𑀞𑀺𑀧𑀭𑀸𑀫𑀸𑀲𑀸 𑀆𑀥𑀸𑀦𑀕𑁆𑀕𑀸𑀳𑀻 𑀤𑀼𑀧𑁆𑀧𑀝𑀺𑀦𑀺𑀲𑁆𑀲𑀕𑁆𑀕𑀺𑀦𑁄, 𑀪𑀺𑀓𑁆𑀔𑀯𑁂, 𑀦𑀺𑀕𑀡𑁆𑀞𑀸; 𑀓𑀼𑀳𑀓𑀸, 𑀪𑀺𑀓𑁆𑀔𑀯𑁂, 𑀦𑀺𑀕𑀡𑁆𑀞𑀸; 𑀧𑀸𑀧𑀺𑀘𑁆𑀙𑀸, 𑀪𑀺𑀓𑁆𑀔𑀯𑁂, 𑀦𑀺𑀕𑀡𑁆𑀞𑀸; 𑀧𑀸𑀧𑀫𑀺𑀢𑁆𑀢𑀸, 𑀪𑀺𑀓𑁆𑀔𑀯𑁂, 𑀦𑀺𑀕𑀡𑁆𑀞𑀸 𑁋 𑀇𑀫𑁂𑀳𑀺 𑀔𑁄, 𑀪𑀺𑀓𑁆𑀔𑀯𑁂, 𑀤𑀲𑀳𑀺 𑀅𑀲𑀤𑁆𑀥𑀫𑁆𑀫𑁂𑀳𑀺 𑀲𑀫𑀦𑁆𑀦𑀸𑀕𑀢𑀸 𑀦𑀺𑀕𑀡𑁆𑀞𑀸’’𑀢𑀺. 𑀅𑀝𑁆𑀞𑀫𑀁.