৯. পরিৰত্তনহারসম্পাতৰিভাৰনা

৭১. যেন যেন ৰিভত্তিহারসম্পাতেন সুত্তপ্পদেসত্থা ৰিভত্তা, সো ৰিভত্তিহারসম্পাতো পরিপুণ্ণো, ‘‘কতমো পরিৰত্তনহারসম্পাতো’’তি পুচ্ছিতব্বত্তা ‘‘তত্থ কতমো পরিৰত্তনো হারসম্পাতো’’তিআদি ৰুত্তং.

‘‘কতমে সুত্তপ্পদেসত্থা কথং পরিৰত্তেতব্বা’’তি পুচ্ছিতব্বত্তা ‘‘তস্মা’’তিআদি ৰুত্তং. যা ‘‘তস্মা…পে… গোচরো’’তি গাথা ৰুত্তা, তায গাথায যা সমথৰিপস্সনা নিদ্ধারিতা, তায সমথৰিপস্সনায ভাৰিতায অকুসলানং নিরোধো ফলং পযোজনং হোতি, পরিঞ্ঞাতং দুক্খং হোতি, সমুদযো পহীনো হোতি, মগ্গো ভাৰিতো হোতীতি পরিৰত্তেতব্বো. পটিপক্খেন পন সমথৰিপস্সনায অভাৰিতায অকুসলানং অনিরোধো, অপরিঞ্ঞাতং দুক্খং, সমুদযো অপ্পহীনো, মগ্গো অভাৰিতো হোতীতি পরিৰত্তেতব্বো.

‘‘এত্তকোৰ পরিৰত্তনহারসম্পাতো পরিপুণ্ণো’’তি ৰত্তব্বত্তা ‘‘নিযুত্তো পরিৰত্তনো হারসম্পাতো’’তি ৰুত্তং. যেন যেন সংৰণ্ণনাৰিসেসভূতেন পরিৰত্তনহারসম্পাতেন সুত্তপ্পদেসত্থা পরিৰত্তেতব্বা, সো সো সংৰণ্ণনাৰিসেসভূতো পরিৰত্তনহারসম্পাতো নিযুত্তো যথারহং নীহরিত্ৰা যুজ্জিতব্বোতি অত্থো গহেতব্বোতি.

ইতি পরিৰত্তনহারসম্পাতে সত্তিবলানুরূপা রচিতা

ৰিভাৰনা নিট্ঠিতা.

পণ্ডিতেহি পন…পে… গহেতব্বোতি.