৭. বোধিপক্খিযৰগ্গৰণ্ণনা

৫৩১-৬৫০. সত্তানং ফলানং হেতুভূতানি ‘‘ইমেসং খো, ভিক্খৰে, পঞ্চন্নং ইন্দ্রিযানং ভাৰিতত্তা’’তিআদিনা ৰুত্তানি, পঞ্চিন্দ্রিযানিযেৰ ফলূপচারেন ‘‘সত্ত ফলানী’’তি ৰুত্তানি. তানি চ পুব্বভাগানি ‘‘ইমেসং, ভিক্খৰে, পঞ্চন্নং ইন্দ্রিযানং ভাৰিতত্তা…পে… সত্তানিসংসা পাটিকঙ্খা’’তি ৰচনতো. তেসন্তি সত্তানং ফলানং. ‘‘দ্ৰিন্নং ফলানং অঞ্ঞতরং ফল’’ন্তি এৰং অতীতসুত্তে ৰুত্তানি হেট্ঠা দ্ৰে ফলানি নামাতি ৰদন্তি. যেহি পন ইন্দ্রিযেহি অঞ্ঞত্র পন অন্তরাপরিনিব্বাযিং সেসানি ফলানি হোন্তি, তানি চত্তারি সপুব্বভাগানি লোকুত্তরানীতি ৰুত্তং সিযা.

ইন্দ্রিযসংযুত্তৰণ্ণনা নিট্ঠিতা.