১-২. ইচ্ছানঙ্গলসুত্তাদিৰণ্ণনা

৯৮৭-৯৮৮. কস্মাতিআদি ৰিহারসমাপত্তিআচিক্খণে কারণং ৰিভাৰেতুং আরদ্ধং.

এৰ-ৰাকারোতি এৰ-কারো ৰা-কারো চ. একন্তসন্তত্তা একন্তেন সন্তমনসিকারভাৰতো. সেক্খৰচনেনেৰ তেসং সিক্খিতব্বস্স অত্থিভাৰে সিদ্ধেপি সিক্খিতব্বরহিতেসু তেসুপি সেক্খপরিযাযস্স ৰুচ্চমানত্তা সিক্খিতব্বসদ্দেন সেক্খে ৰিসেসেত্ৰা ৰুত্তা. আসৰক্খযত্থং সিক্খিতব্বস্স অভাৰেপি দিট্ঠধম্মসুখৰিহারত্থং ঝানাদিসিক্খনেন ৰিনা সিক্খিতব্বাভাৰা ‘‘অসেক্খা নামা’’তি ৰুত্তা. বুদ্ধানং পন সব্বসো সম্মদেৰ পরিনিট্ঠিতসিক্খত্তা ‘‘সিক্খামী’’তি ন ৰুত্তং. আনাপানজ্ঝানফলসমাপত্তি তথাগতৰিহারো.