৫-৬. সক্কপঞ্হসুত্তাদিৰণ্ণনা

১১৮-১১৯. দিট্ঠেতি পচ্চক্খভূতে. ধম্মেতি উপাদানক্খন্ধধম্মে. তত্থ হি অত্তাতি ভৰতি সঞ্ঞা দিট্ঠি চাতি অত্তভাৰসঞ্ঞা. তেনাহ – ‘‘দিট্ঠেৰ ধম্মেতি ইমস্মিংযেৰ অত্তভাৰে’’তি. ‘‘তন্নিস্সিত’’ন্তি এত্থ তং-সদ্দেন হেট্ঠা অভিনন্দনাদিপরিযাযেন ৰুত্তা তণ্হা পচ্চামট্ঠাতি আহ – ‘‘তণ্হানিস্সিত’’ন্তি. তং উপাদানং এতস্সাতি তদুপাদানং. তেনাহ – ‘‘তংগহণ’’ন্তিআদি. তণ্হুপাদানসঙ্খাতং গহণং এতস্সাতি তংগহণং. ছট্ঠং উত্তানমেৰ পঞ্চমে ৰুত্তনযত্তা.

সক্কপঞ্হসুত্তাদিৰণ্ণনা নিট্ঠিতা.