৭. অনত্তলক্খণসুত্তৰণ্ণনা

৫৯. পুরাণুপট্ঠাকেতি পুব্বে পধানপদহনকালে উপট্ঠাকভূতে. ‘‘অৰসৰত্তনট্ঠেন অস্সামিকট্ঠেন সুঞ্ঞতট্ঠেন অত্তপটিক্খেপট্ঠেনা’’তি এৰং পুব্বে ৰুত্তেহি. এত্তকেন ঠানেনাতি ‘‘রূপং, ভিক্খৰে, অনত্তা’’তি আরভিত্ৰা যাৰ ‘‘এৰং মে ৰিঞ্ঞাণং মা অহোসী’’তি এত্তকেন সুত্তপদেসেন. অকথিতস্সেৰ কথনং উত্তরং, ন কথিতস্সাতি ৰুত্তং ‘‘তানি দস্সেত্ৰা’’তি. সমোধানেত্ৰাতি সম্পিণ্ডিত্ৰা. ৰিত্থারকথাতি ৰিত্থারতো অট্ঠকথা. অনত্তলক্খণমেৰাতি তব্বহুলতায তপ্পধানতায চ ৰুত্তং. অনিচ্চতাদীনম্পি হি তত্থ তংদীপনত্থমেৰ ৰুত্তত্তা তদেৰ জেট্ঠং পধানং তথা ৰেনেয্যজ্ঝাসযতো.

অনত্তলক্খণসুত্তৰণ্ণনা নিট্ঠিতা.