৩. কুলসুত্তৰণ্ণনা

২২৫. ৰিধংসযন্তি ৰিহেঠযন্তি. ৰড্ঢিতাতি ভাৰনাপারিপূরিৰসেন পরিব্রূহিতা. পুনপ্পুনং কতাতি ভাৰনায বহুলীকরণেন অপরাপরং পৰত্তিতা যুত্তযানং ৰিয কতাতি যথা যুত্তং আজঞ্ঞরথং ছেকেন সারথিনা অধিট্ঠিতং যথারুচি পৰত্ততি, এৰং যথারুচি পৰত্তিযা গমিতা. পতিট্ঠানট্ঠেনাতি অধিট্ঠানট্ঠেন. ৰত্থু ৰিয কতা সব্বসো উপক্কিলেসৰিসোধনেন সুৰিসোধিতমরিযাদং ৰিয কতা. অধিট্ঠিতাতি পটিপক্খদূরীভাৰতো সুভাৰিতভাৰেন অৰিকম্পনেয্যতায ঠপিতা. সমন্ততো চিতাতি সব্বভাগেন ভাৰনূপচযং গমিতা. তেনাহ ‘‘সুৰড্ঢিতা’’তি. সুট্ঠু সমারদ্ধাতি মেত্তাভাৰনায মত্থকপ্পত্তিযা সম্মদেৰ সম্পাদিতা.

কুলসুত্তৰণ্ণনা নিট্ঠিতা.