১০. অনাথপিণ্ডিকসুত্তৰণ্ণনা

১০১. দসমে কামং দেৰতাসংযুত্তেপি ‘‘ইদং হি তং জেতৰন’’ন্তিআদিনা ইমা এৰ গাথা আগতা. তত্থ ‘‘অঞ্ঞতরা দেৰতা’’তি নিদানং আরোপিতং. হেট্ঠা আগতনযত্তা এৰ হি পোত্থকেসু ন লিখিতং, ইধ পন দেৰপুত্তসংযুত্তে ‘‘অনাথপিণ্ডিকো দেৰপুত্তো’’তি নিদানে নিগমে চ আগতং, তত্থ দেৰপুত্তেন সত্থু ৰুত্তপ্পকারগুণপৰেদনৰসেন ৰুত্তং. সত্থা পন ভিক্খূনং তমত্থং পৰেদেন্তো ‘‘অঞ্ঞতরো দেৰপুত্তো’’তি আহ. তথা পৰেদনে পন কারণং দস্সেন্তো ‘‘আনন্দত্থেরস্সা’’তিআদিমাহ. অনুমানবুদ্ধিযাতি অনুমানঞাণস্স. আনুভাৰপ্পকাসনত্থন্তি বলদীপনত্থং.

অনাথপিণ্ডিকসুত্তৰণ্ণনা নিট্ঠিতা.

দুতিযৰগ্গৰণ্ণনা নিট্ঠিতা.