৫. অক্কোধসুত্তৰণ্ণনা

২৭১. কোধো তুম্হে মা অভিভৰীতি এত্থ কোধেন অনভিভৰনীযত্তং খন্তিমেত্তাকরুণাদিতপ্পটিপক্খধম্মপরিব্রূহনেন. তথা হি তংসমঙ্গিনো কোধো অভিভুয্যতীতি আহ ‘‘তুম্হেৰ কোধং অভিভৰথ. কুজ্ঝন্তানং মা পটিকুজ্ঝিত্থা’’তি. পটিপদাতি এসা পটিপত্তি. মেত্তাতি অপ্পনাপ্পত্তা মেত্তা. তদুপচারো মেত্তাপুব্বভাগো. ন ৰিহিংসতি কিঞ্চি এতাযাতি অৰিহিংসা. করুণাতি অপ্পনাপ্পত্তকরুণা ৰেদিতব্বা. তদুপচারো করুণাপুব্বভাগো. লামকজনন্তি খন্তিআদীসু যোনিসোমনসিকারাভাৰেন গারয্হসমাচারসমাযোগেন চ নিহীনং জনং. পচ্চযপরিসুদ্ধিযা কোধো অভিমদ্দমানো পুগ্গলং অভিমদ্দতি, তস্স সো পটিসঙ্খানভাৰনাবলেহি সম্মদেৰ পহাতব্বোতি.

অক্কোধসুত্তৰণ্ণনা নিট্ঠিতা.

ততিযৰগ্গৰণ্ণনা নিট্ঠিতা.

সারত্থপ্পকাসিনিযা সংযুত্তনিকায-অট্ঠকথায

সক্কসংযুত্তৰণ্ণনায লীনত্থপ্পকাসনা সমত্তা.

নিট্ঠিতা চ সারত্থপ্পকাসিনিযা

সংযুত্তনিকায-অট্ঠকথায সগাথাৰগ্গৰণ্ণনা.

পঠমো ভাগো নিট্ঠিতো.