৮. গহট্ঠৰন্দনাসুত্তৰণ্ণনা

২৬৪. পুথুদ্দিসাতি বহুদিসা. কা পন তাতি আহ ‘‘চতস্সো দিসা চতস্সো অনুদিসা চা’’তি. অনুদিসাগহণেন চেত্থ উদ্ধং অধোপি গয্হতীতি চ দস্সেতি. ভূমিৰাসিনোতি ভূমিপটিবদ্ধৰুত্তিনো. এতেন রুক্খপব্বতনিৰাসিনোপি গহিতা হোন্তি. চিররত্তসমাহিতচিত্তেতি উপচারপ্পনাঝানানি উপ্পাদেত্ৰা অপরিহীনজ্ঝানতায চিরকালং সমাহিতচিত্তে. আপাণকোটিকন্তি জীৰিতপরিযন্তং যাৰজীৰং. এৰমাদীতি আদি-সদ্দেন অৰসেসপুঞ্ঞকিরিযৰত্থূনি সঙ্গণ্হাতি. নিচ্চসীলৰসেন পঞ্চহি, নিযমসীলৰসেন দসহি. পি-সদ্দেন ততো কতিপযেহি উপোসথসীলৰসেন অট্ঠহিপীতি দস্সেতি. ধম্মিকেহীতি ধম্মতো অনপেতেহি. পমুখোতি পমোক্খো.

গহট্ঠৰন্দনাসুত্তৰণ্ণনা নিট্ঠিতা.