৩. মিত্তসুত্তৰণ্ণনা

৫৩. সহ অত্থেন ৰত্ততীতি সত্থো, ভণ্ডমূলং গহেত্ৰা ৰাণিজ্জৰসেন দেসন্তরাদীসু ৰিচরণকজনসমূহো. তেনাহ ‘‘সদ্ধিংচরো’’তি, সহচরণকোতি অত্থো. মিত্তন্তি সিনেহযোগেন মিত্তকিচ্চযুত্তং. ইধাধিপ্পেতপ্পকারং দস্সেতুং ‘‘রোগে উপ্পন্নে’’তিআদি ৰুত্তং. তথারূপেতি জিগুচ্ছনীযে, দুত্তিকিচ্ছে ৰা. যথা অসণ্ঠিতানং সণ্ঠাপনৰসেন পৰসতো পুরিসস্স ভোগব্যসনে নাথতা, এৰং পুত্তসিনেহৰসেন পুত্তস্স মাতুযা অন্তোগেহে নাথতাতি ৰুত্তং ‘‘মাতা মিত্তং সকে ঘরে’’তি. অত্থজাতস্সাতি উপট্ঠিতপযোজনস্সাতি অত্থোতি আহ ‘‘উপ্পন্নকিচ্চস্সা’’তি. সম্পরাযহিতন্তি সম্পরাযে হিতাৰহং.

মিত্তসুত্তৰণ্ণনা নিট্ঠিতা.