৮. মহদ্ধনসুত্তৰণ্ণনা

২৮. নিধীযতীতি নিধানং. নিধাতব্বতং গতং নিহিতন্তি অত্থো. মুত্তসারাদীতি মুত্তামণিৰেল়ুরিযপৰাল়রজতজাতরূপাদি. সুৰণ্ণরজতভাজনাদীতি আদি-সদ্দেন কহাপণ-ধঞ্ঞকোট্ঠভণ্ডাদিং সঙ্গণ্হাতি. তম্পি হি নিচ্চপরিব্বযৰসেন ভুঞ্জীযতীতি ‘‘ভোগো’’তি ৰুচ্চতি. অঞ্ঞমঞ্ঞং অভিগিজ্ঝন্তীতি অঞ্ঞমঞ্ঞস্স সন্তকং অভিগিজ্ঝন্তি. তেনাহ ‘‘পত্থেন্তী’’তি. অনলঙ্কতাতি ন অলং পরিযত্তন্তি এৰং কতচিত্তা, অত্রিচ্ছতামহিচ্ছতাহি অভিভূতা. তেনাহ ‘‘অতিত্তা অপরিযত্তজাতা’’তি. উস্সুক্কজাতেসূতি তংতংকিচ্চে সঞ্জাতউস্সুক্কেসু. নানাকিচ্চজাতেসূতি নানাৰিধকিচ্চেসু, সঞ্জাতনানাকিচ্চেসু ৰা. ৰট্টগামিকপসুতেন ৰট্টসোতং অনুসরন্তেসু. তণ্হানিৰাসতায গেহন্তিপি অগারন্তিপি ৰুচ্চতীতি আহ ‘‘মাতুগামেন সদ্ধিং গেহ’’ন্তি. ৰিরাজিযাতি হেতুঅত্থদীপকং পদন্তি আহ ‘‘ৰিরাজেত্ৰা’’তি, ত্ৰা-সদ্দোপি চাযং হেতুঅত্থোতি.

মহদ্ধনসুত্তৰণ্ণনা নিট্ঠিতা.