৬. ছট্ঠসঙ্ঘাদিসেসসিক্খাপদং

৭০৫. ছট্ঠে যতো ত্ৰন্তি এত্থ কারণত্থে তোপচ্চযোতি আহ ‘‘যস্মা’’তি. কস্সা হোন্তীতি উয্যোজিকাউয্যোজিতাসু কস্সা ভিক্খুনিযা হোন্তীতি যোজনা. ন দেতীতি উয্যোজিকা উয্যোজিতায ন দেতি. ন পটিগ্গণ্হাতীতি উয্যোজিতা উয্যোজিকায হত্থতো ন পটিগ্গণ্হাতি. পটিগ্গহো তেন ন ৰিজ্জতীতি তেনেৰ কারণেন উয্যোজিকায হত্থতো উয্যোজিতায পটিগ্গহো ন ৰিজ্জতি. আপজ্জতি গরুকং, ন লহুকন্তি এৰং সন্তেপি উয্যোজিকা গরুকমেৰ সঙ্ঘাদিসেসাপত্তিং আপজ্জতি, ন লহুকং. তঞ্চাতি তং আপজ্জনঞ্চ. পরিভোগপচ্চযাতি উয্যোজিকায পরিভোগসঙ্খাতা কারণাতি অযং গাথাযত্থো.

ইতরিস্সা পনাতি উয্যোজিতায পন ভিক্খুনিযা. পঠমসিক্খাপদেতি পঞ্চমসিক্খাপদে. পঞ্চমসিক্খাপদঞ্হি ইমিনা সিক্খাপদেন যুগল়ভাৰেন সদিসত্তা ইমং উপাদায পঠমন্তি ৰুত্তন্তি. ছট্ঠং.