৫. কবল়ৰগ্গ-অত্থযোজনা

৬১৭. ‘‘মুখদ্ৰার’’ন্তি কম্মস্স ‘‘অনাহটে’’তি চ ‘‘ৰিৰরিস্সামী’’তি চ দ্ৰীসু কিরিযাসু সম্বন্ধভাৰং দস্সেতুং ৰুত্তং ‘‘অনাহরিতে মুখদ্ৰার’’ন্তি.

৬১৮. সকলং হত্থন্তি পঞ্চঙ্গুলিং সন্ধায ৰুত্তং.

৬১৯. সকবল়েনাতি এত্থ কবল়সদ্দেন ৰচনস্স অপরিপুণ্ণকারণং সব্বম্পি গহেতব্বং.

৬২০. পিণ্ডুক্খেপকন্তিআদীসু ৰিচ্ছত্থে কপচ্চযোতি আহ ‘‘পিণ্ডং উক্খিপিত্ৰা উক্খিপিত্ৰা’’তি. ত্ৰাসদ্দেন কিরিযাৰিসেসনভাৰং দস্সেতি.

৬২৪. ‘‘অৰকিরিত্ৰা’’তি ইমিনা সিত্থাৰকারকন্তি এত্থ অৰপুব্বো কিরধাতুযেৰ, ন করধাতূতি দস্সেতি.

৬২৬. ‘‘চপুচপূ’’তি এৰং সদ্দন্তি ‘‘চপুচপূ’’তি এৰং অনুকরণরৰন্তি. পঞ্চমো ৰগ্গো.