২. উজ্জগ্ঘিকৰগ্গ-অত্থযোজনা

৫৮৬. উচ্চাসদ্দং কত্ৰা জগ্ঘনং হসনং উজ্জগ্ঘো, সোযেৰ উজ্জগ্ঘিকা, তায. ইতি ইমমত্থং দস্সেন্তো আহ ‘‘মহাহসিতং হসন্তো’’তি. এত্থাতি ‘‘উজ্জগ্ঘিকাযা’’তিপদে.

৫৮৮. কিত্তাৰতাতি কিত্তকেন পমাণেন, এৰং নিসিন্নেসু থেরেসূতি সম্বন্ধো, নিদ্ধারণে চেতং ভুম্মৰচনং. ৰৰত্থপেতীতি ইদঞ্চীদঞ্চ কথেতীতি ৰৰত্থপেতি. এত্তাৰতাতি এত্তকেন পমাণেন.

৫৯০. নিচ্চলং কত্ৰা কাযস্স উজুট্ঠপনং কাযপগ্গহো নামাতি আহ ‘‘নিচ্চলং কত্ৰা’’তিআদি. এসেৰ নযো বাহুপগ্গহসীসপগ্গহেসুপীতি. দুতিযো ৰগ্গো.