৫০. ৰিপস্সনানিদ্দেসো

ৰিপস্সনাতি –

৪৭১. নামরূপং পরিগ্গয্হ, ততো তস্স চ পচ্চযং;

হুত্ৰা অভাৰতোনিচ্চা, উদযব্বযপীল়না.

৪৭২. দুক্খা অৰসৰত্তিত্তা, অনত্তাতি তিলক্খণং;

আরোপেত্ৰান সঙ্খারে, সম্মসন্তো পুনপ্পুনং;

পাপুণেয্যানুপুব্বেন, সব্বসংযোজনক্খযন্তি.

নিগমনকথা

৪৭৩. অধিসীলাধিচিত্তানং, অধিপঞ্ঞায সিক্খনা;

ভিক্খুকিচ্চমতো খুদ্দসিক্খাযং সমুদাহটা.

৪৭৪. মহতো কিত্তিসদ্দস্স, যস্স লোকৰিচারিনো;

পরিস্সমো ন সম্ভোতি, মালুতস্সেৰ নিচ্চসো.

৪৭৫. তেন ধম্মসিরীকেন, তম্বপণ্ণিযকেতুনা;

থেরেন রচিতা ধম্মৰিনযঞ্ঞুপসংসিতা.

৪৭৬. এত্তাৰতাযং নিট্ঠানং, খুদ্দসিক্খা উপাগতা;

পঞ্চমত্তেহি গাথানং, সতেহি পরিমাণতোতি.

খুদ্দসিক্খা নিট্ঠিতা.

নমো তস্স ভগৰতো অরহতো সম্মাসম্বুদ্ধস্স