৩২. নিস্সযনিদ্দেসো

নিস্সযোতি –

২৩০. ব্যত্তস্স পঞ্চৰস্সস্স, নত্থি নিস্সয কারিযং;

যাৰজীৰম্পি অব্যত্তো, নিস্সিতোযেৰ জীৰতি.

২৩১. একংসং চীৰরং কত্ৰা, পগ্গণ্হিত্ৰান অঞ্জলিং;

উক্কুটিকং নিসীদিত্ৰা, ৰদে যাৰততীযকং;

‘‘আচরিযো মে, ভন্তে, হোহি,

আযস্মতো নিস্সায ৰচ্ছামী’’তি.

২৩২. পক্কন্তে পক্খসঙ্কন্তে, ৰিব্ভন্তে ৰাপি নিস্সযো;

মরণাণত্তুপজ্ঝায-সমোধানেহি সম্মতি.

২৩৩. নিস্সায ন ৰসেলজ্জিং, অপুব্বং ঠানমাগতো;

আগমে চতুপঞ্চাহং, ঞাতুং ভিক্খুসভাগতং.

২৩৪. অদ্ধিকস্স গিলানস্স, গিলানুপট্ঠকস্স চ;

যাচিতস্স অরঞ্ঞে ৰা, সল্লক্খন্তেন ফাসুকং;

সভাগে দাযকেসন্তে, ৰসিতুং তাৰ লব্ভতীতি.