৩০. ৰত্তনিদ্দেসো

ৰত্তন্তি –

২১৩. আগন্তুকো ন আরামং, পৰিসে সউপাহনো;

সছত্তোগুণ্ঠিতো সীসে, করিত্ৰা ৰাপি চীৰরং.

২১৪. পানীযেন ন ধোৰেয্য, পাদে ৰুড্ঢতরেপি চ;

আৰাসিকেভিৰাদেয্য, পুচ্ছেয্য সযনাসনং.

২১৫. গমিকো পটিসামেত্ৰা, দারুমত্তিকভণ্ডকং;

ৰিহারঞ্চ থকেত্ৰান, আপুচ্ছ সযনাসনং.

২১৬. আপুচ্ছিতব্বে অসতি, সংগোপেত্ৰান সাধুকং;

পক্কমেয্যঞ্ঞথা তস্স, পক্কন্তুং ন চ কপ্পতি.

২১৭. আৰাসিকো পঞ্ঞাপেয্য, ৰুড্ঢাগন্তুস্স আসনং;

উপনিক্খিপে পাদোদ-প্পভুতিং পত্তচীৰরং.

২১৮. পচ্চুগ্গন্ত্ৰান গণ্হেয্য, পানীযেন চ পুচ্ছযে;

আগন্তুকেভিৰাদেয্য, পঞ্ঞপে সযনাসনং.

২১৯. অজ্ঝাৰুত্থমৰুত্থং ৰা, গোচরাগোচরং ৰদে;

ৰচ্চপস্সাৰঠানানি, কতিকং সেক্খসম্মুতিং.

২২০. পৰেসনিক্খমে কালং, পরিভোজিযপানিযং;

নিসিন্নোৰ নৰকস্স, এতং সব্বং সমুদ্দিসেতি.