২৪. অঞ্জনীনিদ্দেসো

অঞ্জনীতি –

১৮২. ৰট্টাট্ঠসোল়সংসা ৰা, মট্ঠা ৰট্টতি অঞ্জনী;

তিস্সোপি মূলে গীৰাযং, লেখা একাৰ বন্ধিতুং.

১৮৩. যং কিঞ্চি রূপং মালাদিকম্মং মকরদন্তকং;

গোমুত্তকড্ঢচন্দাদি-ৰিকারং নেত্থ ৰট্টতি.

১৮৪. লব্ভেকৰণ্ণসুত্তেন, সিব্বিতুং থৰিকা তথা;

সিপাটি কুঞ্চিকাকোসো, সলাকাপি অচিত্তকা.

১৮৫. সঙ্খনাভিৰিসাণট্ঠি-নল়দন্তমযা তথা;

ফলকট্ঠমযা ৰেল়ু-লাখালোহমযাপি চ.

১৮৬. অঞ্জনিযো সলাকাযো, ধূমনেত্তা চ লব্ভরে;

তথা সত্থকদণ্ডানি, নত্থুদানা চ তম্মযাতি.