৪. পুরাণচীৰরসিক্খাপদৰণ্ণনা

‘‘সাকিযানিযো ৰিয সুদ্ধভিক্খুসঙ্ঘে ৰা’’তি ইদং ‘‘ভিক্খুনী নাম উভতোসঙ্ঘে উপসম্পন্না’’তি (পারা. ৫০৫) ইমিনা ৰিরুজ্ঝতীতি চে? ন, অধিপ্পাযাজাননতো. ভিক্খূনং সন্তিকে উপসম্পদায পটিক্খিত্তত্তা তদনুপ্পসঙ্গভযা এৰং ৰুত্তন্তি ৰেদিতব্বং.

একেন ৰত্থুনাতি যেন কেনচি পঠমেন. অৰুত্তা ৰা ধোৰতীতি অৰুত্তা ধোৰতি, রজতি আকোটেতীতি অত্থো. ‘‘‘অৰুত্তা’তি ৰচনতো অৰাদাপেত্ৰা ধোৰনাদীসু অনাপত্তী’’তি লিখিতং. ইধ চীৰরং নাম নিৰাসনপারুপনূপগমেৰ. যদি এৰং ‘‘নিৰাসনপারুপনূপগমেৰ ৰত্তব্ব’’ন্তি চে? তং ন ৰত্তব্বং ‘‘পুরাণচীৰর’’ন্তি ইমিনাৰ সিদ্ধত্তা. ৰুত্তঞ্হেতং ‘‘পুরাণচীৰরং নাম সকিং নিৰত্থম্পি সকিং পারুতম্পী’’তি (পারা. ৫০৫).

পুরাণচীৰরসিক্খাপদৰণ্ণনা নিট্ঠিতা.