৪. অত্তকামসিক্খাপদৰণ্ণনা

দুট্ঠুল্লোভাসনে ৰুত্তপ্পকারাযাতি দুট্ঠুল্লাদুট্ঠুল্লজাননসমত্থায. পরস্স ভিক্খুনো অত্তকামপারিচরিযায ৰণ্ণভণনে দুক্কটং, ‘‘যো তে ৰিহারে ৰসতি, তস্স অগ্গদানং মেথুনং ধম্মং দেহী’’তি পরিযাযৰচনেপি দুক্কটং, ‘‘অত্তকামপারিচরিযায ৰণ্ণং ভাসেয্য, যা মাদিসং সীলৰন্ত’’ন্তি চ ৰুত্তত্তাতি একে. পঞ্চসু অঙ্গেসু সব্ভাৰা সঙ্ঘাদিসেসোৰাতি একে, ৰিচারেত্ৰা গহেতব্বং. ‘‘ইমস্মিং সিক্খাপদদ্ৰযে কাযসংসগ্গে ৰিয যক্খিপেতীসুপি দুট্ঠুল্লত্তকআমৰচনে থুল্লচ্চযন্তি ৰদন্তি. অট্ঠকথাসু পন নাগত’’ন্তি (ৰজির. টী. পারাজিক ২৯৫) লিখিতং. উভতোব্যঞ্জনকো পন পণ্ডকগতিকোৰ.

অত্তকামসিক্খাপদৰণ্ণনা নিট্ঠিতা.